Мажбурий ижро бюроси органлари томонидан ИИВ Йўл ҳаракати хавфсизлиги хизмати билан ҳамкорликда Навоий вилояти Хатирчи туманида кўплаб қоидабузарлик содир этган ҳайдовчига чора кўрилди.
Маълум қилинишича, МИБнинг Хатирчи туман бўлими иш юритувида қарздор А.Ф.га нисбатан ИИБ ЙҲХБ томонидан қўлланилган 10 та маъмурий баённомага асосан 6 миллион 120 минг сўм, 91 миллион сўм кредит ва 4,5 миллион сўм бошқа қарздорликларини ундириш тўғрисидаги ижро ҳужжатлари бўлган. Ҳайдовчи ушбу қарздорликларни тўламагач, унга тегишли бўлган Lacetti машинаси хатланиб, жарима майдончасига жойлаштирилган.
Бундан ташқари, бўлим иш юритувида қарздор Р.Э.га нисбатан ИИБ Йўл ҳаракати хавфсизлиги бошқармаси томонидан қўлланилган 5 та маъмурий баённомаларга асосан жами 4 миллион 504 минг сўм жарима ундириш тўғрисидаги ижро ҳужжатлари юзасидан олиб борилган ижро ҳаракатлари давомида қарздорликлар тўлиқ ундирилиши таъминланган.
Аввалроқ Андижонда 27 та машинаси бор шахсдан 81 та қоидабузарлик бўйича жарима ундирилгани, Ўзбекистонда маст ҳолда машина ҳайдаганларнинг транспорти мусодара этилиши ҳақидаги хабарлар рад этилгани тўғрисида хабар берилганди.
Изоҳ (0)