Мажбурий ижро бюросининг Яшнобод тумани бўлимига жорий йилнинг сентябрь—октябрь ойлари давомида келиб тушган Тошкент шаҳар ИИББ ЙҲХБнинг қарорларига асосан Ўзбекистон Республикаси Маъмурий жавобгарлик тўғрисидаги кодексининг 128-3 моддаси 1-қисмида назарда тутилган ҳуқуқбузарликни 36 маротаба содир этган, яъни тезликни меъёридан оширган қарздор Э.А.дан давлат фойдасига жами 15 млн 552 минг сўм маъмурий жарима ундириш белгиланган. Аммо бир неча маротаба огоҳлантиришларга қарамасдан, фуқаро қарздорликни тўлашдан бўйин товлаб келгани сабабли унга тегишли Lacetti русумли транспорт воситаси давлат ижрочиси Ш.Мақсудов томонидан тегишли тартибда хатланиб, реализация қилиш ишларига киришилди. Бу ҳақида “Дарё”га МИБ хабар қилди.
Яна бир ҳолатда эса, 35 марта тезликни меъёридан оширган фуқаро Л.Ш.дан давлат фойдасига жами 11 млн сўм маъмурий жарималар ундириш кўзда тутилганди. Аммо ушбу фуқаро ҳам қарзини тўлашдан бўйин товлаб келган. Шундан сўнг, давлат ижрочиси М.Қодиров томонидан олиб борилган мажбурий ижро ҳаракатлари давомида қарздорга тегишли Spark русумли транспорт воситаси жарима майдончасига жойлаштириш жараёнида фуқаро юқоридаги қарздорликни тўлиқ тўлаган.
Изоҳ (0)