Тошкентда Spark ҳайдовчисининг 54 та жаримаси борлиги аниқланди

Тошкент шаҳар Олмазор туманида Spark ҳайдовчисининг 54 та жаримаси борлиги аниқланди. МИБ ахборот хизмати “Дарё”га хабар берди.

Унга кўра, бюронинг Олмазор туман бўлими иш юритувидаги Тошкент шаҳар ЙҲХБнинг қарорларига асосан, қарздор Б.А.дан давлат фойдасига йўл ҳаракати қоидаларига амал қилмай ҳаракатлангани, шунингдек, радар мосламалари қайд этган жами 54 та қоидабузарликдан маъмурий жарима ундирилиши белгиланган.

Қарздор фуқаро 2022 йилдан бошлаб бугунги кунга қадар содир этган қоидабузарликлари 14 миллион 500 минг сўмга етган. Бироқ фуқаро мазкур маъмурий жарималарни ўз вақтида қоплашни ўйламай, йўлларда ҳаракатланиш пайтида қайта-қайта қоидани бузиб келган. 

Бюронинг Олмазор туман бўлими давлат ижрочиларининг олиб борган мажбурий ижро ҳаракатлари натижасида қарздор фуқародан Sparkънинг 14,5 миллион сўм жаримаси ундирилди. 

Бироқ жарималар қарзидан энди қутулган фуқаронинг яна 2 та янги маъмурий жарималари ундирув учун бўлим иш юритувига келиб тушган.