Toshkent shahar Olmazor tumanida Spark haydovchisining 54 ta jarimasi borligi aniqlandi. MIB axborot xizmati “Daryo”ga xabar berdi.
![](/static/2024/05/16/sp-yn6zFuoK.jpg)
Unga ko‘ra, byuroning Olmazor tuman bo‘limi ish yurituvidagi Toshkent shahar YHXBning qarorlariga asosan, qarzdor B.A.dan davlat foydasiga yo‘l harakati qoidalariga amal qilmay harakatlangani, shuningdek, radar moslamalari qayd etgan jami 54 ta qoidabuzarlikdan ma’muriy jarima undirilishi belgilangan.
Qarzdor fuqaro 2022-yildan boshlab bugungi kunga qadar sodir etgan qoidabuzarliklari 14 million 500 ming so‘mga yetgan. Biroq fuqaro mazkur ma’muriy jarimalarni o‘z vaqtida qoplashni o‘ylamay, yo‘llarda harakatlanish paytida qayta-qayta qoidani buzib kelgan.
Byuroning Olmazor tuman bo‘limi davlat ijrochilarining olib borgan majburiy ijro harakatlari natijasida qarzdor fuqarodan Spark’ning 14,5 million so‘m jarimasi undirildi.
Biroq jarimalar qarzidan endi qutulgan fuqaroning yana 2 ta yangi ma’muriy jarimalari undiruv uchun bo‘lim ish yurituviga kelib tushgan.
Izoh (0)