Баъзан бир неча ортиқча граммдан халос бўлишнинг ўзи мушкул, аммо бизнинг қуйидаги қаҳрамонларимиз анча сезиларли натижага эриша олдилар. Ушбу мақолада биз 35 килограмм ва ундан кўпроқ вазн йўқотишга муваффақ бўлган машҳур турк актрисалари ҳақида гапирамиз. Улар буни қандай уддалашди, деб ёзади The Voice Mag нашри.
Пелин Ўзтекин (-93 кг)
![](/static/2024/08/28/Fotoram.io (1)-IKR4dsP3.jpg)
Чапдаги ва ўнгдаги фотосурат битта одам эканига ишониш қийин. Ўшанда Пелин Ўзтекиннинг вазни 156 килограммга етган эди ва бу унинг саломатлигига таъсир қилмай қолмади. Шифокорлар жиддий огоҳлантирди: ортиқча вазнда қон босими кўтарилади, юрак, жигар ва буйраклар фаолиятида хавфли муаммолар бошланади. Озиш учун актриса ўта қатъий чора кўриши керак эди — ошқозонни кичрайтириш жарроҳлик амалиёти. Бироқ ортиқча вазн билан кураш шу билан тугамади. Реабилитациядан сўнг актриса таомномасини қайта кўриб чиқди, шунингдек, жисмоний машғулотлар билан фаол шуғуллана бошлади. Пелиннинг сўзларига кўра, у ўзи учун қулай жисмоний шаклга эриша олди, аммо натижасини сақлаб қолиш учун соғлом турмуш тарзини олиб боришда давом этмоқда.
Ешим Жерен Бўзўғлу (-52 кг)
![](/static/2024/08/28/photo_2023-02-17_10-41-17-Dvraf_tH.jpg)
Жерен ўзи орзу қилган қомат учун ошқозонини резексия қилишга қарор қилганини яширмайди. Актриса кучли диеталар билан ўзини чарчатишга тайёр эмас эди ва суратга олиш жадвали банд бўлгани сабабли у бундай озиш машғулотларига вақт тополмади. Саломатлик муаммолари уни шундай жиддий қадам ташлашга ундади — ортиқча вазн туфайли Жереннинг юриши ва нафас олиши қийинлашди. Операция туфайли у ортиқча 52 килограммдан халос бўлишга муваффақ бўлди. Мухлисларнинг турли фикрдаги муносабатларига қарамай, актриса бу қароридан афсусланмайди ва “янги” танасида ўзини яхши ҳис қилади.
Пелин Ўзтекин (-93 кг)
![](/static/2024/08/28/pq-O5TD5D9b.jpg)
Пелин “Муҳташам юз йил” сериалидаги Усмонлилар ҳукмдорининг қизи Меҳримоҳ Султон роли билан томошабинларга танилган. Туғуруқдан сўнг актриса тезлик билан ортиқча вазн тўплай бошлади. Шунда у қоматини аста-секин ва, энг муҳими, хавфсиз тарзда тиклашга қарор қилди. Кино юлдузи ўзи учун бирданига кучли, соғлом бўлмаган парҳезларга ўтмасликка қарор қилди, аксинча соғлом овқатланишни одат қилди.
Аввало, у ун ва ширинликлардан бош тортди, аччиқ, шўр, ёғли ва қовурилган таомларни камроқ истеъмол қилишни бошлади. Шу қаторда Пелин спорт билан жиддий шуғулланди: паркда узоқ масофага пиёда юриш, югуриш, фитнес залида машқ қилиш. Бу дарҳол бўлмаса-да, аста-секин натижа кўрсатди. Бир неча ой ичида актриса 35 килограммни йўқотишга муваффақ бўлди, аммо у бу билан тўхтаб қолмоқчи эмас. Пелин соғлом овқатланишни давом эттиради ва ҳамиша соғлом бўлиши учун мунтазам равишда жисмоний машқ қилади.
Асли Самат (-98 кг)
![](/static/2024/08/28/d4-0cMAXV7k.jpg)
Аслининг ортиқча вазн билан кураши узоқроқ, яъни олти йил давом этди. Кўпгина мухлисларининг фикридан фарқли ўлароқ, актриса ошқозонини қисқартириш бўйича жарроҳлик амалиёти вазн йўқотишга ёрдам берганига ишонмайди. Аксинча, у жарроҳларнинг аралашуви соғлиғини янада ёмонлаштирганини таъкидлайди.
У профессионал психолог ва диетолог билан мунтазам ишлади. Натижада Асли 173 килограммдан 75 килограммгача вазн йўқотишга муваффақ бўлди. Аммо шунга қарамай, у бу натижадан қониқмади. Бугунги кунда унинг қомати соғломлик параметрларига мос келса-да, у ҳали ҳам тўхтаган эмас. Актриса ўзини қулай ҳис қилиши учун яна 16 килограмм вазн ташлашни ўз олдига мақсад қилиб қўйган.
Эсин Гундоғду (-60 кг)
![](/static/2024/08/28/d5-F9nT7MyK.jpg)
Актриса Эсин Гундоғду жарроҳлар ёрдамига мурожаат қилмай, уч йил ичида 60 килограммгача озишга муваффақ бўлди. Юлдуз вазн йўқотиш унга осон бўлмаганини яширмайди.
Бу вақт ичида у кўплаб парҳезларни синаб кўрди, уларнинг баъзилари тескари таъсир кўрсатди: у оч қолса ҳам вазни ортишда давом этди. Шунга қарамай, актриса таслим бўлмади ва қомати устида ишлашда давом этди. Натижа унинг барча саъй-ҳаракатлари зое кетмади.
Изоҳ (0)