Татаристонда кўплаб машҳур сериаллардаги роллари билан томошабинларга маълум бўлган туркиялик актёр Бурак Ўзчивит иштирокида Россиянинг “Арчалар” (“Ёлки”) янги йил франшизасининг янги қисмини суратга олиш ишлари бошланди, деб ёзади aif.ru.
-q2W2tt-s.png)
Нашрнинг ёзишича, 24 август куни актёр Қозондаги меҳмонхоналардан бирига жойлашади, кейин эса Россия лойиҳасида иштирок этиш учун Алметевскка боради. Маълум қилинишича, турк юлдузи билан бирга фильмда ўтган қишда танлаб олинган 18 ёшдан 25 ёшгача бўлган гўзал рус аёллари иштирок этади.
Нашрнинг ёзишича, қизлар санъаткорнинг мухлислари ролини ўйнашади. Уларнинг фильм форматига мос келадиган қишки кийимлари бўлиши керак. Шунингдек, Ўзчивит сёмканинг бир куни учун 1,5 миллиондан 3 миллион рубль (16 300-32 600 доллар)гача гонорар олиши мумкин. Турк актёридан ташқари, “Йигит сўзи: асфалтдаги қон” сериали юлдузи Рузил Минекаев ҳам рол ўйнайди.
“Арчалар-11” фильмидаги асосий роллардан бирини “Муҳташам юз йил” юлдузи ижро этиши аввалроқ хабар қилинган эди. Фильмга Александр Карпиловский режиссёрлик қилади. “Кинопоиск” онлайн кинотеатри маълумотларига кўра, фильм премьераси 2024 йилнинг 19 декабрига белгиланган.
Изоҳ (0)