“Муҳташам юз йил” сериалнинг суратга олиш ишлари аллақачон якунланиб, бутун дунёга намойиш этилган бўлса-да, актёрларнинг яна бирлашишига сабабчи бўлган 5 та сериал суратга олинган. Актёрлар ўша-ўша, фақатгина улар бошқа образда намоён бўлади.
“Сен менинг Ватанимсан”
Ролларда: Халит Эргенч, Бергузар Корел, Боран Кузум, Окан Ялабик, Саадет Аксой, Селма Эргеч
“Сен менинг Ватанимсан” драмасида бош ролни Халит Эргенч ва унинг севгилисини Бергузар Корел (ҳаётда ҳам Халитнинг рафиқаси) ижро этади. Ушбу тарихий сериалда Халит ҳарбий образида намоён бўлади. Фильмни суратга олишда 250 га яқин актёр иштирок этган.
“Фи Чи Пи”
Ролларда: Меҳмет Гунсур, Ўзан Гувен, Беррак Тузунатач, Нур Феттаҳўғлу, Ясемин Аллен
Туркия учун ноодатий ҳисобланган “Фи Чи Пи” сериалида таниш чеҳралар талайгина. Масалан, бош ролларни Меҳмет Гунсур ҳамда Ўзан Гувен ижро этган. Турк фильмлари фақатгина севги ёки мафия ҳақида бўлади, дейдиганларга айнан ушбу сериални томоша қилиш тавсия этилади.
“Гунеш қизлари”
Ролларда: Толга Сариташ, Буржу Озберк, Эврим Алася, Ирем Хелважиўғлу
“Муҳташам юз йил”нинг ёш актёрлари Толга Сариташ ҳамда Буржи Ўзберкни “Гунеш қизлари” тўпламида кўриш мумкин. Қизиғи шундаки, агар қаҳрамонлар ўртасида севги чизиғи бўлганида дарҳол “Муҳташам юз йил” билан таққосланган бўларди. Аммо бу содир бўлмади.
“Менинг исмим Гултепе”
Ролларда: Мете Хорозўғлу, Экин Коч, Толга Сариташ, Бурак Дакак, Эврим Алася, Селен Ўзтурк, Шафак Башкая, Биге Онал, Фуля Аксулар
“Муҳташам юз йил” сериали актёрлари “Менинг исмим Гултепе” телелойиҳасида яна бир бор бирлашди. 2014 йил суратга олинган ушбу сериал ҳақида маълумотлар кам бўлса-да, мухлислар томонидан яхши кутиб олинди.
“Бобил”
Ролларда: Халит Эргенч, Озан Гувен, Нур Феттаҳўғлу
“Бобил” сериалида Халит Эргенч ва Нур Феттаҳўғлу яна бирлашди. Ушбу сериал яна энг яхши рейтингда бўлишига умид боғланганди, албатта. Лекин “ўртача” бўлишга муваффақ бўлди. Нима бўлганда ҳам мухлислар “Муҳташам юз йил”нинг севимли актёрларини кўрганидан мамнун.
Изоҳ (0)