Нафақат Туркия, балки дунёнинг 50 дан ортиқ мамлакатларида ҳам ҳақиқий сенсацияга айланган “Муҳташам юз йил” сериали экранларга чиққанига ўн уч йилдан ошди. Кичкина Меҳримоҳ, Меҳмед, Мустафо каби образларни гавдалантирган актёр болалар ҳам анча улғайиб қолди. Қуйида Усмонлилар сулоласининг экрандаги вакиллари ҳозир қандай кўринишда ва нималар билан банд эканлиги ҳақида маълумот берамиз.
Юсуф Беркан Демирбаг (19 ёш)
Ёш турк актёри “Муҳташам юз йил” сериалидаги энг эсда қоларли роллардан бирини — шаҳзода Мустафони ўйнаган. Актёр учун бу рол кино саноатидаги биринчи иши эди. У вазифани аъло даражада бажарди ва томошабинларнинг эътирофи ва муҳаббатига сазовор бўлди.
Ҳозирда Юсуф Беркан 19 ёшда. У деярли ижтимоий тармоқлардан фойдаланмайди ва ўзи ҳақидаги янгиликлар билан жуда кам бўлишади.
Тунч Орал (24 ёш)
Актёрга шаҳзода Мустафонинг ўсмирлик вақтидаги рол насиб этган, бу вақтда Тунч Орал 12 ёшда бўлган. Суратга олиш ишлари тугагач, у мактабни тугатди ва армияда хизмат ўтади.
2024 йилдан бошлаб актёр кастинг ва турли тингловларда фаол иштирок этмоқда. У актёрлик касбини ташлаб қўймаслигини ва ўзини янги лойиҳаларда синаб кўрмоқда. Тунч бўш вақтида от миниш машғулотлари билан шуғулланишни яхши кўради.
Аида Ажар (18 ёш)
Аида Ажар ёш Меҳримоҳ султон ролини ижро этганида атиги 5 ёшар эди. Актёрлик фаолиятини давом эттириш имкониятига эга бўлишига қарамай, Аида мода йўналишини танлади. Бўш вақтларида у ўз яқинлари билан вақт ўтказишни афзал билади.
Мелис Мутлуч (21 ёш)
Мелис Мутлуч “Муҳташам юз йил”да Меҳримоҳ султоннинг ёш қиз вақтларини ижро этган. Ёш қизалоққа лойиҳада кўпроқ экран вақти берилган, чунки Мелис авваллари ҳам бошқа лойиҳаларда ўзини синаб кўрган тажрибали актриса бўлган. Албатта, унинг ёрқин роли томошабинни бефарқ қолдира олмади.
Мазкур лойиҳа тугагач, Мутлуч актрисалик фаолиятини давом эттирди, жумладан, у 2013 йилда “Менинг дунём” фильмида актриса Берен Саат (Кёсем султон) билан бирга рол ижро этди.
Ҳозирда Мелис ўн саккиз ёшда бўлиб, тиббиёт университетида таҳсил олади. Аммо шу билан бирга у кинога қайтиш истаги борлигини ҳам инкор этмайди.
Эже Юксел (27 ёш)
Эже Юксел Хадича султоннинг ўсмирлик давридаги образини экранда гавдалантирган. Бундан аввал у бошқа сериалларда ҳам суратга тушган, лекин айнан ёш Хадича образи туфайли унинг карьераси янги босқичга кўтарилган.
2024 йилда Юксел “Менинг ажиб ҳаётим” сериалида суратга тушди. 2022 йилда актриса Голландия фуқаросига турмушга чиқди. Ҳозирда у икки фуқароликка эга.
Беркеджан Аккая (17 ёш)
Султон Сулаймон ва Хуррам султоннинг тўнғич ўғли — Меҳмет ролини ижро этган актёр Беркеджан Аккая сёмка пайтида эндигина 7 ёшни қарши олган эди. У ёш бўлишига қарамай, ўз вазифасини яхши бажара олди.
Беркежан суратга тушиш ишларидан ташқари ҳозирда мактабда ўқийди. У саёҳат қилишни ва дўстлари билан вақт ўтказишни яхши кўради. У спортда ҳам фаол бўлиб, ижтимоий тармоқларда ютуқларини мухлислари билан бўлишади.
Арда Анарат (25 ёш)
Анарат ўзининг дебют ролини 2013 йилда ўйнаган. Сўнг унга Сулаймон ва Хуррамнинг ўғли Меҳмеднинг ўсмирлик даврида роли топширилган.
Арда бўш вақтида очиқ ҳавода бўлишни ва хоккей ўйнашни яхши кўради. Шунингдек у мусиқага ва овқат пиширишга қизиқади.
Йигит Уст (24 ёш)
Йигит Уст машҳур “Муҳташам юз йил” сериалида ёш Селим ролини ижро этган. Ушбу лойиҳани тугатгандан сўнг, Йигит ўзини актёрлик карьерасига бағишлашга қарор қилган. Ҳозирда у Истанбулдаги Maltepe университетининг театр факультетида таҳсил олмоқда.
Зия Керем Ачарсйўз (18 ёш)
“Муҳташам юз йил” сериалида ёш актёр шаҳзода Селимнинг болалигини тасвирлаган. Суратга олиш ишлари тугаллангач, унинг актёрлик фаолиятига ҳам нуқта қўйилди. Аввалига Зия Керем бир нечта реклама лойиҳаларида иштирок этди, аммо бошқа сериалларда суратга тушмади.
Ўзгур Эге Налжи (18 ёш)
Энг машҳур сериалда Ўзгур Эге ёш шаҳзода Боязид ролини ижро этди. Суратга олиш пайтида актёр атиги 6 ёшда эди. Сериалдаги муваффақиятдан сўнг актёр фильмларда рол ўйнашни давом эттирди. Аммо ҳозирда актёр асосан моделлик бизнесида ишлашга кўпроқ эътибор қаратмоқда.
Эрхан Жан Картал (26 ёш)
Актёр “Муҳташам юз йил” сериалидаги Султон Сулаймоннинг бешинчи ўғли —шаҳзода Боязиднинг ўсмирлик даврини гавдалантирган. Шундан сўнг у яна уч нафар фильмда иштирок этди, аммо иқтисодиёт йўналишида таълим олишга қарор қилди. Эрхан 18 ёшга киргач, уйланди. У ижтимоий тармоқлардан фойдаланмайди, фақат унинг модел сифатида суратга тушган архив фотолари мухлисларга маълум.
Айбарс Картал Озсон (16 ёш)
Айбарс машҳур сериалда Хуррам ва Сулаймоннинг кенжа ўғли — шаҳзода Жаҳонгир образини гавдалантирган. Унинг характерига экранда кўп вақт ажратилмаган бўлса-да, ёш актёр томошабинлар эътиборини жалб қила олди.
Айбарс учун ушбу лойиҳада иштирок этиш кино саноатидаги илк иши эди. Ушбу сериалдан сўнг ёш актёр фаолиятини давом эттирди ва турли фильмлар, сериалларда иштирок этди. Унинг ижтимоий тармоқлардаги аккаунтларини отаси бошқаради.
Дениз Тузун (14 ёш)
Сериалда Иброҳим пошо ва Нигор Калфа ўртасидаги тақиқланган муносабатлардан туғилган қизалоқ — Кадер (Эсманур) ни дизи мухлислари жуда яхши билади.
Ҳозирда актриса ўрта мактабда таҳсил олади ва бўш вақтларида қўшиқ куйлаш ва рақсга тушиш билан шуғулланади. Унинг келажакда кино соҳасини танлаши ёки бошқа йўналишда кетиши ҳозирча номаълум. Дениз бугунги кунда шунчаки болалик давридан завқланиб яшамоқда.
Малике Ҳелин Чал (20 ёш)
11 ёшида мазкур сериалда дебют қилган ва Хурижихон ролини ижро этган ёш актриса ҳозирда кино саноатидан йироқ. Дизи мухлислари актрисани кўриб таний олмасликлар аниқ. Малика ташқи кўринишини бутунлай ўзгартириб юборган. Ҳозирда у ижтимоий тармоқларда шахсий ҳаёти ва режалари ҳақида гапирмайди.
Кайра Алейна Забчи (23 ёш)
Актриса илк бор Меҳримаҳ Султоннинг қизи Аиша Ҳумошоҳ ролини ижро этиб, томошабинлар эътиборини тортди. Ёш қиз бир вақтнинг ўзида моделлик билан ҳам фаол шуғулланди ва 2013 йилда 12 ёшида “Туркиянинг энг яхши ёш модели” танловида биринчи ўринни эгаллади.
Ҳозирда актриса спорт билан ҳам фаол шуғулланади, хусусан, у кикбоксинг, от миниш каби машғулотларида қатнашади.
Изоҳ (0)