Турк актёри Окан Ялабик Иброҳим пошо ролини ижро қилган “Муҳташам юз йил” сериали 50 дан ортиқ мамлакатда эфирга узатилган бўлиб, у энг яхши эркак ижрочи сифатида тақдирланган. Бу рол унга жаҳон миқёсида машҳурлик келтирган. Аммо турдизи финалидан сўнг бир неча йиллар ўтгач, актёрни фақат унинг энг содиқ мухлислари эслашади.
Тарихий сериалдан кейин: янги лойиҳалар ва фаолиятдаги танаффус
2013 йилда “Муҳташам юз йил” сериалини суратга олиш ишлари тугагандан сўнг, Окан Ялабик бошқа лойиҳаларда фаол иштирок этишда давом этди. У “Сен менинг ватанимсан”, “Доктор Ҳаос”, “Бегуноҳ” ва ҳатто машҳур Netflix лойиҳаси “Ҳимоячи” сериалида рол ўйнади. Аммо ролларининг ҳеч қайси бири Иброҳим пошо образидек муваффақиятли чиқмади.
Фото: Киноафиша.инфо
Сўнгги икки йил ичида эса Оканнинг карьераси бутунлай тўхтаб қолганга ўхшади. У бирорта йирик лойиҳаларда иштирок этмади ва ижтимоий тадбирларда ҳам кўринмай қолди. Бу эса мухлислар орасида шубҳали миш-мишлар тарқалишига сабаб бўлди. Юлдузни форумларда ҳатто таркидунё қилган эркак деб аташди. Актёр бунда аввал у шунчаки ҳаётини қайта кўриб чиқишга ва сукунатдан завқланишга уринаётганини айтган эди.
Шахсий ҳаёти
Ялабик ҳеч қачон шахсий ҳаёти тафсилотлари билан бўлишмайдиган актёр бўлган. Унинг ҳаётидаги янгиликлар камдан-кам ҳолларда оммага ошкор бўлган. Актёр ўзининг оиласи ва яқинларини муҳокама қилишларини ёқтирмайди. Унинг биринчи оммавий барчага маълум бўлган муносабатлари бу актриса Ҳанде Сорал билан танишуви эди, аммо жуфтлик икки йилдан кейин ажрашди. Кейинроқ у актриса Ҳанде Догандемир билан ҳам маълум муддат муносабатда бўлган, аммо улар турмуш қурмаган.
Сўнгги йилларда Оканнинг исми турк хабарларидан деярли бутунлай йўқолди. Маълумки, Ялабик либослар дизайнери Эзги Айвала билан бир мунча вақт учрашган, аммо миш-мишларга кўра, бу жуфтликнинг муносабатлари ҳам узоққа чўзилмаган. Актёр унинг ишқий муносабатлари ҳақидаги ҳар қандай миш-мишларга эътибор бермай келмоқда.
Окан Ялабик бугун нималар билан банд?
Фото: Киноафиша.инфо
Форумларда тарқалган хабарлардан фарқли ўлароқ, Окан бутунлай кинони тарк этмаган. У фильмлар ва мультфильмларни дубляж қилишда фаол иштирок этмоқда, гуруҳи билан мусиқий лойиҳалар устида ишламоқда ва хайрия концертларида қатнашиб келмоқда. Ялабик сўзларига кўра, унга маънавий ривожланиш ва шахсий ишлари учун вақт керак.
Окан бўш вақтини табиат қўйнида ўтказади, кўп китоб ўқийди, ҳатто барабан чалишга ҳам қизиқади. Шу билан бирга, у фильмларда суратга тушиш таклифларини ҳам кўриб чиқади, лекин актёр уни фақат чинакам илҳомлантирадиган лойиҳаларга рози бўлади.
Албатта, унинг мухлислари Оканни яна бош ролларда кўришни орзу қилади. Турк сериалларига жаҳон бозорининг талаби ортиб боришига қарамай, актёр ўз касбига жиддий боғланиб қолмасликни ва ўзига ҳақиқатда завқ келтирадиган иш билан сукунатда шуғулланишни маъқул кўрмоқда.
Изоҳ (0)