2012 йилда экранларга чиққан “Муҳташам юз йил” сериали бошқа мамлакатларда қизиқиш билан томоша қилинган бўлса-да, Туркияда сериал воқеалари ғирт уйдирма деб аталди. Натижада фильм ижодкорлари тарихий воқеалардан илҳомланганини тан олишларига тўғри келди.
-gxKDKxjn.jpeg)
Биринчи учрашув
Биринчи қисм Александра исмли қизнинг буюк султоннинг канизаклари сафини тўлдириш учун узоқ Усмонли империясига кемада сузиб келиши билан бошланади. Лекин у бир қарашдаёқ буюк подшони мафтун этади — энди у ҳарамнинг оддий канизаги эмас, балки султоннинг севимли аёли.
Аслида воқеалар бунчалик тез содир бўлмайди. Хуррамнинг исломни қабул қилишдан олдин қандай исмга эга бўлганлиги аниқ маълум эмас, Роксолана ҳақидаги қайдлар бутун дунё у ҳақида билганидан кейингина йилномаларда пайдо бўлган.
Иккинчи ноаниқлик — Роксолана саройга Сулаймоннинг отаси Салим I даврида келган, у узоқ вақт тил, ёзув, мусиқа ва эркакларни мафтун қилиш санъатини ўрганади. Ҳақиқатан ҳам ҳукмдор саройига бунчалик осон келиб қолишни тасаввур қилиб бўлмасди.
Ташиқ кўриниши
Ушбу сериалнинг ўзига хос жиҳатларидан бири — Усмонли империясидаги аёлларнинг либослари. Томошабинлар Хуррамнинг ҳар бир образига қойил қолишади ва ўша даврда худди шу либосни кийиб кўришни орзу қилишади, лекин аслида улар бутунлай бошқача кўринишга эга бўлганини кўпчилик билмайди.
Буюк Сулаймон ҳукмронлиги давридаги аёллар кийимлари эркакларникига ўхшаш бўлган. Кенг ўлчамдаги кафтан аёллар қоматини бегона кўзлардан яширган. Хуррамнинг ўзи ҳеч қачон узун кўйлак ва юзини ёпган шойи рўмолсиз саройдан чиқмаган.
Сериалда Хуррам образини Марям Узерли ўйнаган. Аслида ҳеч ким Роксолананинг шунчалик жозибали бўлганми, йўқми билмайди, уни кўпроқ ёқимтой деб аташарди. Ҳатто у малласоч ҳам бўлмаган.
Сулаймон Хуррамни бошқа канизаклар олдида ҳимоя қилмайди
“Муҳташам юз йил”да Сулаймон ҳар доим ҳарам ишлари билан қизиқади ва том маънода Хуррамнинг ҳарамдаги обрўсини кўтаради. Тарихан эса Роксоланинг ҳамма нарсага ўзи эришади, чунки султон умрининг кўп қисмини ҳарбий юришларда ўтказади, унинг ғийбат ва маъшуқалари ўртасидаги жанжалларга вақти йўқ эди.
Тарихчиларнинг айтишича, у севгилисига озор берган одамни фақат бир марта жазолаган. Собиқ рафиқаси Моҳидаврон рақибаси Хуррамга заҳар бериб, уни четлатишга уринганида, Сулаймон уни Эски саройга юборишни буюради. Аммо сериалда Сулаймон охир-оқибат Моҳидавронни кечиради ва ҳарамдаги тортишувлар давом этади.
Номаълум ўғил
Тарихий маълумотларга кўра, Сулаймон I ва унинг қонуний рафиқаси Хуррамнинг 6 нафар фарзанди бўлган. Бироқ “Муҳташам юз йил”да фақат 4 шаҳзода ва суюкли қизи Меҳримоҳ кўрсатилган. Султоннинг яна бир ўғли бўлган: Абдулла тўнғич фарзанд Меҳмеддан кейин туғилган, аммо 8 ойлигида касал бўлиб қолган бола атиги 3 йил яшайди. Чақалоқ 1526 йилда саройда тарқалган сув чечакдан вафот этади.
Сериал мухлисларининг тахминларига кўра, сценарий муаллифи Абдулла ҳақидаги ҳикояни сюжетга киритмасликка қарор қилган, чунки ўша пайтда Хуррам ёлғиз ўзи бошдан кечириши керак бўлган фожиалар етарли эди. Бу воқеа ўрнига Хуррам Сулаймоннинг жазоси сифатида бир неча йилга сургунга жўнатилади.
Лука — бутунлай бадиий тўқима
Режиссёрлар режалаштирганидек, Хуррам учун яна бир хавф унинг кутилмаганда қайтиб келган собиқ севгилиси, рассом Лука бўлиши керак эди. Лука Сулаймон ва Хуррамнинг портретини чизган саҳна мутлақо бемаъни кўринади. Султоннинг севимли аёлига қарашга ҳеч қачон рухсат берилмаган, бунинг устига бу одам нотаниш бўлса.
Аслида эса Лука ҳатто мавжуд бўлмаган. Назарий жиҳатдан Хуррамнинг севгилиси бўлиши мумкин, аммо уларнинг эски муносабатлари тезда аниқланиб, яширин учрашувлар ҳақида гап бўлиши ҳам мумкин эмасди.
Изабелла билан Феруза аслида бўлмаган
Сериалда Моҳидаврон Хуррем учун хавф туғдирмай қўйганидан сўнг, янги рақиблар пайдо бўлади: хорижлик меҳмон Изабелла ва сирли Фируза.
Роксолана яна ўз ҳукмдорига унинг эътиборига лойиқ эканлигини исботлашга ва рақиблари билан курашишга мажбур бўлади. Тарихан эса бундай аёллар бўлмаган, Сулаймон Хуррам унинг қонуний хотини бўлганидан кейин ҳарамни тарқатиб юборган.
Изоҳ (0)