Кўплаб томошабинлар “Муҳташам юз йил” сериалидаги султон Сулаймон ва Хуррам султоннинг севги ҳикояси, шунингдек, ундаги қаҳрамонларнинг айёрона ишларини диққат билан кузатиб борди. Бироқ сериал харизматик иккинчи даражали қаҳрамонларсиз машҳур бўлмас эди. Шу қаҳрамонлардан бири Доя Хотун образи мухлисларнинг ёдида Султон Сулаймоннинг энагаси ва Валиде Султоннинг содиқ хизматкори сифатида ёдида қолди.
![](/static/2024/08/27/776125740136--vtAoFfB.jpeg)
“Муҳташам юз йил” сериалида Доя Хотун ролини турк актрисаси Селма Кечик Карабел ижро этган. Актрисанинг фильмографиясида ушбу сериалдан ташқари кўплаб лойиҳалар бор, бироқ унга дунё бўйлаб машҳурлик келтирган роли Доя Хотун образи бўлди.
“Муҳташам юз йил”дан кейин Кечик Карабелга режиссёрлардан кўплаб таклифлар туша бошлади. Актрисанинг сўнгги лойиҳаларидан бири 2020 йилда экранларга чиққан “Қизил хона” сериали бўлди. Селма Германияда суратга олинган Love me фильмида ҳам рол ижро этган.
Актрисанинг шахсий ҳаёти ҳақида жуда кам маълумот мавжуд. Маълум бўлишича, Кечик Карабелнинг турмуш ўртоғи вафот этган. Баъзи маълумотларда актрисанинг қизи борлиги айтилган.
![](/static/2024/08/27/D857ABA5-1B31-43EF-A170-11726C31E896-1JIGCI00.jpeg)
“Муҳташам юз йил” сериали юлдузининг ижтимоий тармоқларда ҳам аккаунтлари бор, у вақти-вақти билан суратларини саҳифасига жойлаб туради. Мухлисларнинг айтишича, актриса 59 ёшда бўлса ҳам ажойиб кўринишга эга.
Изоҳ (0)