Режиссёрларга фильм суратга олиш тақиқланган мамлакатнинг ҳақиқат тасвирланган драмалари.
“Ёмғир”
Эрон, 2001 йил.
Драма, мелодрама.
Давомийлиги: 94 дақиқа.
IMDb: 7.8.
Ёш йигит Латиф — Теҳронда қурилиш ишчиси бўлиб ишлайди. Қаҳрамон Туркия ва Афғонистондан келган бошқа ноқонуний муҳожирлар билан бирга қаттиқ меҳнат қилади. Латиф ҳамкасби Раҳматга ишини яхши уддаламагани учун қаттиқ муомала қилади. Аммо кунларнинг бирида йигит Раҳматнинг сирини билиб қолади — аслида у Баран исмли қиз экан.
Танқидчилар “Ёмғир”ни энг яхши Эрон фильмларидан бири деб билишади. Фильмда меҳнат муҳожирлари қандай яшаши очиб берилган.
“Надер ва Симиннинг ажрашиши”
Эрон, Франция, Австралия, 2011 йил.
Драма.
Давомийлиги: 123 дақиқа.
IMDb: 8.3.
Нодир ва Симин Эрондан кетмоқчи бўлган эр-хотин. Бироқ уларнинг умумий режаларига қарамай, эркак касал отасига қараш учун мамлакатда қолишга қарор қилади. Аёл ажрашиш учун ариза беради ва қизини ўзи билан олиб кетиш учун унинг васийлигини олишга ҳаракат қилади. Қаҳрамонлар бола учун курашишга мажбур.
“Надер ва Симиннинг ажралиши” фильми 2012 йилда хорижий тилдаги энг яхши фильм номинациясида “Оскар” мукофотига сазовор бўлган. Бу мукофотга лойиқ кўрилган биринчи Эрон фильмидир. Бу нафақат оилавий муносабатлар, балки Эроннинг ижтимоий тузилиши ҳақида ҳам ҳикоя қилувчи ажойиб драма ҳисобланади.
“Булбуллар қўшиғи”
Эрон, 2008 йил.
Драма, оила.
Давомийлиги: 96 дақиқа.
IMDb: 7.9.
Карим туяқуш фермасида ишлаб, оиласини боқади. Битта қуш қочиб кетганидан сўнг Карим ишдан бўшатилади. У қизининг эшитиш мосламасини тузатиш учун Теҳронга боради ва такси ҳайдовчиси бўлишга қарор қилади.
Бош ролни ижро этган Муҳаммад Амир Нажий Берлин кинофестивалида “Кумуш айиқ” билан тақдирланган. Фильм режиссёри Мажид Мажидийнинг бошқа бир фильми “Само фарзандлари” 1999 йилда “Оскар” мукофотига номзод бўлган.
“Лайлонинг ака-укалари”
Эрон, 2022 йил.
Драма.
Давомийлиги: 165 дақиқа.
IMDb: 7.8.
Қирқ ёшли Лейла бутун умри давомида ота-онаси ва ака-укаларига ғамхўрлик қилишга мажбур. Унинг яқинлари доимо жанжаллашиб, қарзга ботиб кетишади. Лайлонинг акалари кун кечириш учун курашаётган бир пайтда у ўзи оилани сақлаб қолиш режасини ўйлаб топади.
Мазкур фильм Канн кинофестивалида “Олтин палма шохи”га номзод бўлди. Танқидчилар Эрон фильмини ажойиб сценарийси учун яхши кўришган. Картина таъсирли, аммо айни пайтда қашшоқлик ҳақидаги даҳшатли ҳикоя.
“Ёвузлик мавжуд эмас”
Германия, Чехия, Эрон, 2020 йил.
Драма.
Давомийлиги: 151 дақиқа.
IMDb: 7.5.
Тўрт қаҳрамон қийин танлов олдида. Биринчиси оиласидан сир яширади, иккинчиси бир одамни ўлдириши керак, учинчиси севгилисига уйланолмайди, тўртинчиси эса одамлар орасида бўлолмайди. Уларнинг ҳар бири юзага келган муаммони ҳал қилишга ҳаракат қилмоқда.
“Ёвузлик мавжуд эмас” фильми Берлин кинофестивалида “Олтин айиқ” мукофоти билан тақдирланган. Фильм режиссёри Муҳаммад Расулофга суратга олишни расман тақиқлашган бўлишларига қарамай унинг ёрдамчилари режиссёр исмини сир тутган ҳолда Эроннинг турли минтақаларида тўртта қисқа метражли фильм суратга олишга рухсат олишади.
“Учта юз”
Эрон, АҚШ, 2018 йил.
Драма.
Давомийлиги: 100 дақиқа.
IMDb: 7.0.
Режиссёр ва актриса изсиз йўқолган қизни топиш учун кичкина қишлоққа боради. Бир кун олдин қиз уларга ота-онаси уни консерваторияга киришни тақиқлагани ва энди у ўз жонига қасд қилмоқчи эканлиги айтилган видеони юборганди. Қидирув давом этади ва қаҳрамонлар уни маҳаллий аҳоли томонидан ҳар доим ҳам илиқ кутиб олинмаган қўшни қишлоқлардан қидиради.
“Учта юз” фильми 2018 йилги Канн кинофестивалида “Энг яхши сценарий” мукофотини қўлга киритади. Фильм режиссёри Жафар Панаҳий мукофотни сиртдан олади – унга мамлакатни тарк этишга рухсат берилмайди. У яна бир “Такси” фильмидаги иши билан ҳам танилган.
“Виждонли”
Эрон, 2017 йил.
Драма.
Давомийлиги: 120 дақиқа.
IMDb: 7.2.
Ризо тинч оилавий ҳаёт излаб Теҳрондан қишлоққа кўчиб ўтади. Энди унинг асосий иши олтин балиқларни кўпайтиришдир. Хусусий компания қаҳрамоннинг ер участкасини тортиб олмоқчи. Ризо уни сотмоқчи эмас, шунинг учун улар ўртасида уруш бошланади.
“Виждонли” фильми Канн кинофестивалининг “Ўзгача қараш” номинациясида совриндор бўлади. Бу кичкина одам ва корпорация ўртасидаги қарама-қаршилик ҳақидаги шафқатсиз ҳикоя. Картина режиссёри “Ёвузлик мавжуд эмас” фильмини суратга олган Муҳаммад Расулоф.
“Ава”
Эрон, Канада, Қатар, 2017 йил.
Драма.
Давомийлиги: 105 дақиқа.
IMDb: 6.7.
Ава бутун умри давомида қоидалар билан яшайди. Ёши улғайган сари унга нисбатан босимлар ҳам кучаяди. Ота-онаси, дўстлари ва мактаби қиздан мукаммаллик ва тўғри қарорларни кутишади. Бир куни у қариндошларининг ўзлари тақиқларни бузганлигини билиб, бутун жамиятга қарши исён бошлайди.
Фильм режиссёри Садаф Форуғий. “Ава” унинг биринчи иши. 2022 йилда иккинчиси — “Умидли ёз” спорт драмаси чиқди. Ҳар икки фильмда ҳам ўсмирлар улғайган сари Эрон жамиятида қандай қийинчиликларга дуч келишлари кўрсатилган.
“Такси”
Эрон, 2015 йил.
Драма, комедия.
Давомийлиги: 82 дақиқа.
IMDb: 7.3.
Режиссёр Жафар Паноҳий гавжум Теҳронда таксичилик қилади. Унинг машинасига турли йўловчилар чиқади — қароқчи дисклар сотувчисидан тортиб, ҳуқуқ ҳимоячисигача. Уларнинг ҳар бири ўз ҳақиқатига эга — улар йўл бўйи ҳайдовчи билан гаплашиб кетишади.
Эроннинг “Такси” фильми Берлин кинофестивалида “Олтин айиқ” билан тақдирланган. Ушбу картина режиссёр Жафар Паноҳий учун 20 йиллик суратга олиш тақиқланганидан кейинги кетма-кет учинчи фильми бўлди. Расмийларнинг эътиборини тортмаслик учун суратга олиш аппаратлари машинадан ташқарига чиқарилмаган. Шунингдек, ҳуқуқ ҳимоячисидан ташқари актёрларнинг исм-шарифлари ҳам титрда кўрсатилмаган: бу хавфсизлик нуқтаи назаридан қилинган.
“Оддий усул”
Эрон, 2012 йил.
Драма, комедия.
Давомийлиги: 100 дақиқа.
IMDb: 6.7.
Эркак ва аёл йўлтанламасда қашшоқ туманларга боришади. Машинанинг юкхонасида пул солинган қоплар бор, уларни йўлда учраган муҳтожларга тарқатишади.
Фильм режиссёри Мани Хагигий. Кейинчалик у “Тўнғиз” қора комедиясини суратга олган ва бу унга кўпроқ муваффақият келтирган. Бироқ танқидчилар буни “Оддий усул” каби юқори баҳоламайдилар.
Изоҳ (0)