Ливанда портлаган қурилмалардан кейин Эрон Motorola мобил телефонларини олиб кириш ва улардан фойдаланишни тақиқлади.
“Эрон ҳукумати Ливанда алоқа воситаларининг кўплаб портлашларидан кейин Motorola корпорацияси мобил телефонларини олиб кириш ва улардан фойдаланишни тақиқлади”, дейилади хабарда.
Қайд этилишича, Эрон савдо вазирининг собиқ ўринбосари Муҳаммад Меҳди Барадарон ўз лавозимини тарк этишидан бир оз олдин, ҳатто ушбу маркадаги қурилмаларни сотишни ҳам тақиқлаган. Импорт тақиқи туфайли Эронда бундай телефонларни рўйхатдан ўтказиш ҳам мумкин эмас.
Сентябрь ойида Ливанда пейжерларнинг портлаши билан боғлиқ йирик киберҳужум юз берган эди, ҳодиса оқибатида минглаб одамлар жароҳатланган. Ўнлаб одамлар ҳалок бўлган.
Ливан мазкур воқеада Исроилни айблаган, бироқ Тель-Авив бу айбловларни рад этган.
Изоҳ (0)