Вашингтон Теҳронга АҚШ президенти Жо Байден маъмурияти Қўшма кенг қамровли ҳаракатлар режасига (JCPОА) тезда қайтишни амалга оширишга тайёрлиги ҳақида маълум қилди.
Бу ҳақда Al Jarida нашри хабар бермоқда.
Эрон Миллий хавфсизлик олий кенгашидаги манбага кўра, 23 июль куни Америка томони Эрон расмийларига Байден маъмурияти JCPОА’га “кичик ўзгартиришлар киритилиши шарти билан” тезда қайтиш бўйича музокаралар олиб боришга тайёрлигини маълум қилган.
JCPОА (Эрон ядровий келишуви сифатида ҳам тилга олинади) — Эрон ва унинг ядровий дастури бўйича 5+1 деб номланувчи бир гуруҳ давлатлар ўртасидаги сиёсий келишув. Гуруҳ таркибига Бирлашган Миллатлар Ташкилоти Хавфсизлик кенгашининг беш доимий аъзоси — АҚШ, Россия, Хитой, Буюк Британия, Франция, шунингдек, Германия киради.
2018 йилда АҚШ президенти Дональд Трамп АҚШ келишувдан чиқишини эълон қилганди ва Эронга қарши қўшимча санкциялар киритганди.
Бунга жавобан 2019 йилда Эрон келишувнинг икки бандини амалга оширишни тўхтатганини маълум қилган.
Изоҳ (0)