Эрон Исроилнинг ракета ҳужумига жавобан зарба бермаслиги ҳақида учинчи давлат орқали маълум қилди.
Бу ҳақда Sky News Arabia телеканали хабар бермоқда.
26 октябрь куни Исроил мудофаа кучлари Эрондаги ҳарбий объектларга ҳужумлар уюштирди. Ҳужум объектлари сифатида ҳарбий бўлимлар ва қурол-яроғ омборлари танланган. Эрон Исроилнинг ҳужуми оқибатида ўз объектларига қисман зарар етганини маълум қилди.
Бундан аввалроқ 1 октябрь куни Эрон ҳарбийлари Исроилга 200 га яқин баллистик ракета учирганди. Бу ҳужум ҲАМАС, “Ҳизбуллоҳ” ва Ислом инқилоби қўриқчилари корпуси раҳбариятидаги асосий шахсларнинг ўлдирилишига жавобан уюштирилгани маълум қилинган.
АҚҲ бир неча маротаба Исроилни Эронга жавоб қайтармасликка чақирган. Чунки бу ҳаракат Яқин Шарқда кескинлик кучайишига олиб келиши мумкинлигидан огоҳлантирганди.
Изоҳ (0)