Германия канцлери Олаф Шольц амалдаги федерал ҳукуматнинг ҲАМАС ва “Ҳизбуллоҳ” гуруҳларига қарши курашда Исроилга ёрдам бериш учун қурол етказиб беришни давом эттиришга тайёрлигига билдирилган шубҳаларни рад этди.
“Етказиб бериш амалга оширилган ва келажакда ҳам амалга оширилади. Исроил ҳар доим бунга умид қилиши мумкин,”, деди Шольц бундестагда ҳукумат баёноти билан чиқиш қилар экан.
Германия канцлери “Исроил икки давлат бирдамлигига ҳозир ва келажакда умид қилиши мумкин”лигини айтиб, бу бирдамлик Исроилга ўз мамлакатини ҳимоя қилиш имкониятини бериш ва уни қўллаб-қувватлашни ҳам ўз ичига олишини қўшимча қилди.
Шу билан бирга, Шольц гуманитар ёрдам Ғазога эркин тушиши кераклигини ва “халқаро ҳуқуқ нормаларига ҳар доим риоя қилиниши кераклигини” таъкидлади.
Шольцга кўра, “пировардида фаластинликлар билан икки давлат негизида можарони ҳал этишга олиб келадиган” истиқболни ишлаб чиқиш лозим. Шунингдек, у гаровдагиларни озод қилишга хизмат қиладиган ўт очишни тўхтатиш муҳимлигини таъкидлаб, бу масалада АҚШ Президенти Жо Байденнинг таклифларига ҳавола қилган.
Шольц, шунингдек, Эронни Исроилга ракеталар билан ҳужум қилишни тўхтатишга чақирган.
“Минтақада бошқа беқарорлик бўлмаслиги керак, Эрон эса олов билан ўйнамоқда. Бу тўхташи керак”, дейди Шольц.
Аввалроқ дпа нашри АҚШ Яқин Шарқда уруш майдонидаги тинч аҳолининг аҳволини яхшилашга эришиш мақсадида Исроилга босим ўтказаётгани ҳақида хабар берар берган эди. Вашингтон, агар яқин 30 кун ичида бу масалада яхшиланиш кузатилмаса, буни АҚШ ҳарбий ёрдам кўрсатиш тўғрисидаги қонунни бузиш сифатида баҳоланиши мумкинлиги ҳақида огоҳлантирган. Бундай ҳолда, АҚШнинг Исроилга кўрсатаётган ҳарбий ёрдами қисқартирилиши эҳтимоли мавжуд.
“Исроил армиясининг ҳаракатларини танқид қилса-да, Вашингтон Исроилга сезиларли ҳарбий ёрдам кўрсатишда давом этмоқда. Америка иттифоқчилари Яқин Шарқ мамлакатида дунёдаги энг замонавийлардан бири ҳисобланган Терминал High-Altitude Area Defense (ТHААD) ҳаво ҳужумидан мудофаа тизимини жойлаштиришни бошладилар”, деб ёзади дпа.
Изоҳ (0)