Россия армияси Американинг U.S. News портали тузган рейтингга асосан дунёда энг қудратлиси деб топилди.
Иккинчи ўринни АҚШ армияси, учинчи ўринни эса Исроил эгаллади. Тўртинчи ва бешинчи ўринларда мос равишда Хитой ва Жанубий Корея жойлашган. Кейинги поғоналарни Эрон, Британия, Украина, Германия ва Туркия қўшинлари эгаллаган.
US News рейтингига кўра энг яхши мамлакатлар рўйхатининг бир қисми армияларни баҳолашдир. Ушбу рўйхатда Россия Миср ва Польша оралиғида 36-ўринни эгаллаган. Биринчи учликка Швейцария, Япония ва АҚШ кирган.
Жаҳоннинг энг кучли армиялари рейтингига Марказий Осиё давлатлари ҳам кирди. Ўзбекистон минтақадаги етакчи ҳарбий кучлардан бири сифатида ўз мавқеини мустаҳкамлаб, 19-ўринни эгаллади. Энг яхши мамлакатлар рейтингида эса 74-ўрин. Қозоғистон ҳарбий қудрати ва жанговар қобилиятининг юқори даражасини намойиш этиб, 22-ўринни эгаллаб турибди, энг яхши мамлакатлар рейтингида 83-ўринда.
US News порталининг энг яхши мамлакатлар рейтинги глобал сўровнома асосида тузилган. Унда бутун дунёдан деярли 17 минг киши иштирок этган, сўровнома 22 мартдан 23 майгача ўтказилган. Иштирокчилар тадқиқотчилар томонидан тақдим этилган 73 та хусусиятнинг қайсиларини маълум бир мамлакат билан боғлашларини баҳолаган. Шундан сўнг давлатлар рейтинги баллик тизимда ҳисоблаб чиқилган.
Изоҳ (0)