Ушбу сериалларнинг қаҳрамонлари оптимизм ва яхшиликка умид билан тўлиб-тошган, ҳатто нимадир режадагидек кетмаса ҳам умидини сўндирмайди. Улар ғийбатлашишади, овқат пиширишади, ҳатто қотилликларни шундай тергов қилишадики, кўнгил хотиржам бўлади.
“Жулия”
1960 йилларда Американинг пазандалик устаси бўлган Жулия Чайлднинг ажойиб телевизион карьераси ҳақидаги ҳазил ва иштаҳаочар таомларга бой сериал. Дипломат эри билан Франциядан қайтганидан сўнг, Жулия оддий америкаликларни француз ошхонасининг нозик таъми билан таништирадиган муаллифлик шоуси ҳақида ўйлайди. Оддий ва нафис — бу қаҳрамоннинг ҳаётдаги шиори: эфир пайтида товуқ полга учиб тушганда ҳам, шоу учун пул тугаганда ҳам тушкунликка тушмайди.
Чайлдни британиялик актриса Сара Ланкашир ўйнайди. Ошхона бу ажойиб аёл учун қамоқхона эмас, балки озодлик йўлига айланади.
“Айёрликлар”
Лас-Вегасни йилдан йилга забт этиб келаётган заҳарханда ва ҳашаматли, аммо бир оз кибрли стендап юлдузи Дебора Венс шаддод сценарий муаллифи — омади юришмаган Ава исмли аёлни ёрдамчи қилиб ишга олади. Унинг ёрдами билан комедиячи карьерасини янгилаш ниятида, лекин уларнинг муносабатлари дарҳол шахсий ҳудудга ўтади ва иккаласини ҳам ўзгартиради
70 ёшли Жин Смарт учун “Айёрликлар” муносиб ғалаба бўлди, америкалик актриса қизиққон стендапер қиёфасида порлайди, драма ва комедия ёқасида мувозанатлашади ва улкан телевизион карьераси давомида тўплаган ҳамма нарсасини ошкор қилади.
“Бир бинодаги қотиллик”
Воқеалар Манхеттен марказидаги кўп қаватли мажмуада бўлиб ўтадиган детектив сериал. Ўттиз йил олдин изқувар ролини ўйнаган актёр (Стив Мартин), кекса асабий режиссёр (Мартин Шорт) ва хотиржам ёш рассом (Селена Гомес)ни бинода содир бўлган қотиллик бирлаштиради. Сериалдаги асосий нарса жиноятни тергов қилиш эмас, балки ёши турлича бўлган уч кишининг илиқ ва кинояли дўстлигига уринишдир.
“Шахсий ҳаёт”
Поп-идолни ақлдан озар даражада севиб қолган Сон Док Ми исмли қиз ҳақидаги романтик комедия. Шу билан бирга, у санъат галереясида куратор бўлиб ишлайди, аммо шармандали фанатизмини ҳамкасбларидан яширади. Аммо галереяга чиройли, такаббур ва сирли янги раҳбар Райан Голд келгач, ҳаммаси ўзгаради.
Изоҳ (0)