Кузги одатий ёмғирли кунлар тушкунликка тушишингизга сабаб бўлмаслиги учун яхши кайфиятни сақлаш керак. Бунинг учун эса кайфиятингизни кўтариши кафолатланган комедияларни тақдим этамиз.
“Дедпул ва Росомаха”
Бу йилнинг асосий премьераси жасур антиқаҳрамонлар ҳақидаги триквел бўлди. Янги фильмда Уэйд Уилсон узоқ танаффусдан сўнг яна Дедпул ролига қайтади. Фақат энди у душманлар билан ёлғиз ўзи жанг қилмайди — унинг шериги Росомаха бўлади. Улар биргаликда тарихни ўзгартиришга маҳкум.
“Иттифоқ”
Баъзан тасодифий учрашувлар ҳаётни тубдан ўзгартириб юбориши мумкин. Майк жерсилик оддий қурувчи. Мактабдаги таниши Роксана Холл билан учрашмагунча унинг кундалик ҳаёти бир хил кечади. Биргаликдаги кечки овқатдан сўнг, Майк тўсатдан Лондонда уйғонади. Маълум бўлишича, унинг дугонаси “Иттифоқ” махсус хизматида ишлайди ва унга дўстининг ёрдами жуда зарур экан. Энди бош қаҳрамон жосуслик қилишни ўрганиши керак.
“Оилавий иш”
Крис Коулнинг худбин юлдузига шахсий ёрдамчи бўлиш осон иш эмас. Шундай қилиб Зара бундай асаббузар ишдан кетишга қарор қилади. Тўғри, инжиқ хўжайиндан қутулиш осон эмас. Тез орада қиз ўша актёр онаси билан яширинча муносабатда эканлигини билиб қолади.
“Каскадёрлар”
Жароҳат туфайли Колт Сиверс каскадёрлик соҳасини тарк этади. Бироқ кўп ўтмай унга продюсер қўнғироқ қилиб, ёрдам сўрайди. У собиқ севгилиси Жоди тайёрлаётган фильмни суратга олиш учун Австралияга учиши керак. У суратга олиш майдончасига келганида, қиз собиқ йигитини кўрганидан мамнун эмаслиги маълум бўлади. Асар бош қаҳрамони ғойиб бўлганида вазият янада чигаллашади.
“Ирландча орзу”
Бир куни Медди қадрдон дугонаси у орзу қилган йигитга турмушга чиқмоқчи эканлигини билиб қолади. Шунинг учун у дугонаси билан жой алмашишни истайди. Натижада мўжиза содир бўлади ва Медди келин бўлади.
“Арвоҳ овчилари: Музли даҳшат”
Спенглерлар оиласи Ню-Ёркка қайтади. Шаҳар аҳолиси аномал иссиқдан азият чекмоқда. Аммо шаҳарда пайдо бўлган шарпа одамларни ҳақиқий совуқ нима эканлигини билишга мажбур қилади. Кутилмаган меҳмонни нариги дунёга жўнатиш учун ҳаммага таниш бўлган ўша жамоа ёрдамга келади.
Изоҳ (0)