Аксарият инсонлар машаққатли меҳнат орқали пул топади, аммо бугунги қаҳрамонларимиз туғилиши биланоқ катта меросга эга бўлган ва бу имтиёз келажакда уларга касб танлашда кўплаб афзалликларни берган. Қуйида биринчи навбатда пул учун эмас, балки санъат соҳасига қизиққани учун актёрлик соҳасини танлаган юлдузларни кўриб чиқамиз.
Оливия Уайлд
Актриса ва режиссёр Оливия Уайлд машҳур мусиқий продюсерлар оиласида туғилган. У Harper’s Magazine журнали муҳаррири, машҳур журналист отаси Эндрю Кокберннинг молиявий кўмаги туфайли кино оламига киришга муваффақ бўлган.
Оливиянинг отаси узоқ вақт давомида Мик Жаггер билан ишлаган. Актриса болалигида кўп вақтини Америка Қўшма Штатларда, ёзги таътилларини эса Ирландияда ўтказган. Оливияга қолган мероснинг миқдори 20 миллион долларни ташкил қилади.
Эдвард Нортон
Эдвард Нортоннинг бобоси Жеймс Роуз кўчмас мулкни ривожлантириш билан шуғулланувчи Тhе Rouse компанияси асосчисидир. Жеймс президентнинг “Озодлик” медали соҳиби бўлган, у бинолар қурилиши, шаҳарни муҳандислик жиҳатдан режалаштириш билан шуғулланган. Шунингдек, актёрнинг бобоси бутун мамлакат бўйлаб арзон турар жой билан таъминловчи Rouse Foundation нотижорат ташкилотига асос солган. Айни пайтда Эдвард Нортон бойлиги тахминан 70–80 миллион долларга баҳоланмоқда.
Арми Ҳаммер
“Оппоғой: Гномларнинг қасоси” фильмида Валенсиянинг ўзига бино қўйган шаҳзодаси ролини ижро қилган Арми Ҳаммер ҳозирда Голливудда персона нон грата бўлса-да, ўзига тўқ ҳаёт тарзини юритади. Актёрнинг бобоси Арманд Ҳаммер унга 16 миллион доллар мерос қолдирган.
Жулия Луи-Дрейфус
Мафтункор Жулиа Луи-Дрейфус француз миллиардери Жерар Луи-Дрейфуснинг қизи. У бадавлат оилада туғилганига қарамай, машҳур телесериалларда ва Marvel фильмларида иштирок этиш орқали отасидан келган меросга ўз маблағларини ҳам қўшган. Юлдузнинг бойлиги ҳозирда 250 миллион долларга баҳоланмоқда.
Чеви Чейз
Комик актёр Чеви Чейз Ню-Ёркдаги обрўли оилада катта бўлган, унинг онаси Crane компаниясининг вориси Корнелиус Вандербилт Крейн бўлиб, ўғлини болалигида асраб олган. Актёрнинг бойлиги тахминан 50 миллион долларга баҳоланмоқда, бу сумманинг салмоқли қисми унинг шахсий гонорарига тўғри келади.
Брук Шилдс
Болалигиданоқ санъат соҳасида ишлаб, “Мовий кўрфаз” мелодрамаси туфайли машҳур бўлган актриса Брук Шилдс йирик бизнесменлар оиласидан чиққан. Унинг отаси Френсис Александр Шилдс кичик ва маркетинг соҳасида катта бойлик орттирган. 2003 йилда вафотидан кейин актрисага 25 миллион доллар мерос қолган.
Балтазар Гетти
Актёр ва мусиқачи Балтазар Гетти нефть магнати Геттилар оиласида туғилиб ўсган. Балтазарнинг отаси Жон Пол Гетти III 1973 йилда Римда бўлган воқеа туфайли ўзининг зиқналиги билан машҳур.
16 ёшли набирасини ўғирлаб кетишгач, Жон Полдан17 миллион доллар талаб қилишади, аммо бу пулни тўлаш миллиардер учун “даҳшатли исрофгарчилик” бўлиб туюлади. Аммо йигитчанинг кесилган қулоғи ва соч толаси хасис бобога таъсир қилади, у 3 миллион доллар тўлашга рози бўлади, лекин бир шарт билан: 2,2 миллион долларни ўз ҳисобидан, қолган 800 мингни ўғлига йилига 4 фоиз билан қарзга беради.
Ўғирланган набираси қўйиб юборилгач, пул ундириш мақсадида ўғриликни режалаштирган деб гумон қилиб, набираси билан гаплашмай қўйган.
Балтазар Гетти бобосидан 250 миллион доллар бойликни мерос қилиб олган.
Изоҳ (0)