Ba’zi filmlar va ulardagi qahramonlarni unutib bo‘lmaydi. Hozir ham bizni quvontirayotgan kino yulduzlari qanchalik o‘zgarganini quyida tomosha qiling.
Dafni Kin
Dafni Kin britaniyalik aktyor Uill Kin va ispan aktrisasi, teatr rejissyori va yozuvchi Mariya Fernandes Xachening qizidir. U kino olamidagi debyutini 2014-yilda otasi bilan birga “Qochqinlar” teleserialida qilgan va unda Ani rolini ijro etgan. 2016-yilda Dafni Kinning birinchi katta filmdagi ishtiroki uni butun dunyoga mashhur qildi. U “Logan” filmida Laura rolini ijro etdi va ko‘p o‘tmay boshqa yirik loyihalarga taklif etildi.
Kirsten Danst
Faoliyatining boshida juda yosh Kirsten Danst o‘sha paytda allaqachon super yulduz bo‘lgan Tom Kruz va Bred Pitt bilan bir filmda o‘ynash baxtiga muyassar bo‘lgan. U nafaqat hamkasblariga tenglash oladi, balki ajoyib iste’dodni ham namoyish etadi. 1994-yilda Kirsten Danst “Vampir bilan intervyu” filmida yosh bolaning tanasiga kirib qolgan vampir rolini o‘ynadi. Keyin “Omadsiz askarlar”, “Jumanji” va boshqa filmlarda paydo bo‘ldi, ammo “O‘rgimchak odam” filmidagi Meri Jeyn roli unga eng katta muvaffaqiyat keltirdi. U aktyor Jessi Plemonsga turmushga chiqqan.
Kristina Richchi
Kristina Richchi faoliyatidagi eng mashhur film 1991-yilda chiqqan “Adamslar oilasi”dir. U Uenzdey rolini o‘ynaganida atigi 11 yoshda edi.
So‘ng uning ishtirokidagi “Uyqu bo‘shlig‘i” tijoriy muvaffaqiyat va tanqidchilar e’tirofiga sazovor bo‘ladi. Richchi Katrina Van Tassel roli uchun “Saturn” mukofotiga sazovor bo‘ladi. Keyingi 5 yil Kristina uchun shon-shuhrat yillari bo‘ladi: aktrisa mashhur teleko‘rsatuvlarga chaqiriladi va kino tanqidchilari uning mahorati haqida maqtovli sharhlar yozadi. 2022-yil oxirida “Uenzdey” serialining remeyki chiqdi. Yangi loyihada aktrisa makkor botanika o‘qituvchisi sifatida qayta tug‘ildi.
Bella Ramzi
2016-yilda Bella Ramzi “Taxtlar o‘yini” teleserialidagi Ayiq orolining o‘n yoshli egasi — Mormont rolini o‘ynab, film sanoatida debyut qildi. Shuningdek, u “Eng yovuz jodugar” teleserialida bosh rolni ijro etdi va Britaniya Akademiyasining BAFTA Bolalar mukofotini oldi.
Xloya Greys Morets
Xloya Greys Moretsning kinodagi debyuti 2005-yilda bo‘lib o‘tgan. Bundan biroz vaqt avval u Saymon Beyker bilan “Himoyachi” serialida ishtirok etdi, katta ekranda esa u “Kallakesarlar” filmi orqali paydo bo‘ldi. Keyingi bir necha yil ichida Xloya juda ko‘p janrlarni sinab ko‘rdi: u jangovar filmlar, komediyalar, dramalar, romantik va bolalar uchun sarguzasht filmlarda ishtirok etdi. 2021-yilda Greys Morets “Tom va Jerri” filmida ishtirok etdi.
Kristen Styuart
Kristen Styuartning birinchi marta “Qo‘rquv xonasi” filmida suratga tushgan. Film o‘z uyidagi yashirin xonada o‘g‘rilardan yashiringan ona va qiz haqida hikoya qiladi. “Qo‘rquv xonasi” loyihasi Kristenga film olamida uchun ko‘p eshiklarni ochdi, ammo Robert Pattinson bilan birga suratga tushgan “Sumerki” franshizasi unga haqiqiy mashhurlikni olib keldi. Kristen va Robert real hayotda ham uchrashishni boshlagan, biroq Kristen “Oppog‘oy va ovchi” filmi rejissyori Rupert Sanders bilan yashirincha uchrasha boshladi va hamma bundan xabar topgach, Robert u bilan orani ochiq qildi. Film rejissyori ham almashtirildi.
Heyli Steynfild
Heyli Steynfild birinchi marta 2010-yilda katta filmda ishtirok etdi. Avvallari u faqat teleseriallarda o‘ynash tajribasiga ega bo‘lsa-da, unga Jeff Brijes, Mett Deymon, Josh Brolin, Barri Pepper va Domnall Glison bilan bir ekranda o‘ynashiga ishonch bildirilgan. Yillar davomida Heylining mashhurligini yanada kengaydi va 2018-yilda u “Transformerlar” olamidagi birinchi film — “Bamblbi” da ishtirok etdi. Tomoshabinlar aktrisaning rolini ijobiy qabul qilindi va 2021-yilda Steynfild Marvel filmlarida suratga tushdi.
Teylor Momsen
“Grinch — Rojdestvo o‘g‘risi” filmidagi Grinchning qiz do‘sti Kichkina Sindi allaqachon katta bo‘lgan. Hozirda bu rolni ijro etgan Teylor Momsen The Pretty Reckless rok guruhining solisti hisoblanadi. O‘zining uzoq yillik faoliyati davomida, u o‘zini aktrisa va model sifatida sinab ko‘rdi. Momsen 2 yoshidan boshlab reklama va filmlarda suratga tushgan. Uning eng mashhur roli “G‘iybatchi qiz” serialidagi Jenni Xamfri hisoblanadi.
Aleksa Vega
Ko‘pchilik Aleksa Vegani “Uddaburon bolalar” franshizasidagi rolidan eslaydi, garchi uning karyerasi bundan oldinroq boshlangan bo‘lsa ham. Uning birinchi ishlari orasida “Smerch”, “Robot hayoti” va “Okean tubida” kabi filmlar bor.
Aleksa “Uddaburon bolalar” orqali ko‘plab muxlislar mehrini qozongan bo‘lsa-da, uning keyingi taqdiri keng auditoriyaga noma’lumligicha qoldi. Ayni paytda u kinolarda kichik rollar o‘ynab turadi va o‘zini musiqa yo‘nalishida ham sinab ko‘rdi. U 2014-yilda sobiq Big Time Rush aktyori va qo‘shiqchi Karlos Penavega bilan turmush qurgan va hozirda uch nafar farzandi bor. Ularning eng kenjasi 2021-yilda tug‘ilgan. Bugungi kunda Vega Instagram’da faol va mashhur blogerga ham aylangan. Aktrisa ijtimoiy tarmoqlarda karyerasi va oilaviy suratlari bilan muntazam bo‘lishib turadi.
Lindsi Lohan
Mallasoch sohibjamol Lindsi Lohan 90-yillarning oxirida “Ota-onalar uchun tuzoq” filmidagi ajoyib ijrosi bilan millionlab tomoshabinlar qalbidan joy oldi. film katta daromad keltiradi va tanqidchilarning olqishiga sazovor bo‘ladi. Aytgancha, mazkur filmda Lindsi ukasi Mayk bilan birga rol o‘ynagan. Bir intervyuda u film premyerasi paytida uxlab qolganini yashirmaydi. 2002-yilda aktrisa “Josus bolalar” filmida rol o‘ynaydi.
Lohanga eng katta mashhurlikni 2003-yilda “Dahshatli juma” filmidagi roli olib keladi. Qiz gotika uslubidagi qahramonni o‘ynashi kerak edi. Ushbu rol uchun aktrisa hatto gitara chalishni o‘rganadi va “Ultimate” qo‘shig‘ini yozadi. Tanqidchilar Lindsining ijrosini yuqori baholaydilar, uning o‘zi 2004-yilda MTV Movie Awards mukofotining “Yil yutug‘i” nominatsiyasida g‘olib chiqadi. 2015-yil holatiga ko‘ra, bu Lohanning karyerasidagi tijoriy jihatdan eng muvaffaqiyatli film edi.
Lohanning so‘nggi 10 yildagi birinchi yirik va chinakam arziydigan kinodagi roli “Unutilmas Rojdestvo” deb nomlangan. Film 2022-yil noyabr oyida ekranlarga chiqdi.
Natali Portman
Natali Portman “Leon: Professional” filmida birinchi rolini ijro etganda endigina 13 yoshga to‘lgan edi. Filmda u oilasi o‘ldirilganidan so‘ng qotil tomonidan asrab olingan qiz obrazida aks etadi.
Film rejissyori Lyuk Besson loyihadagi Matilda roliga qiz qidirayotgan edi. Ssenariyga ko‘ra, bosh qahramon o‘n uch yoki o‘n to‘rt yoshda bo‘lishi kerak edi. Natali Portman filmning kastingiga kelganida rejissyor uni rad etgan, chunki u aktrisaning o‘n bir yoshda qotilga oshiq bo‘lgan qiz rolini ijro etishi qiyin bo‘lishiga ishongan. Biroq hali tajribaga ega bo‘lmagan qiz o‘zining ajoyib aktyorlik mahoratini namoyish eta oldi va ikkinchi urinishda loyihaga qabul qilindi. Shundan so‘ng Natali Portman boshqa filmlarda rol o‘ynay boshladi va katta muvaffaqiyatlarga erishdi.
So‘ng aktrisa “Vendetta inqilobi”, “Qora oqqush”, “Aka-ukalar”, “Jeki” kabi filmlarda suratga tushdi.
Izoh (0)