Агар бу ҳафта севимли актёрларингиз ҳаётида нималар бўлганини кузатишга вақтингиз бўлмаган бўлса, қуйидаги мақола бу борада сизга ёрдам беради.
“Қизил шарбат” юлдузи Сила Туркўғли тадбиркор Ата Айилдиз билан учрашишни бошлади
Туркия матбуоти хабарига кўра, актриса тадбиркор Ата Айилдиз билан учраша бошлаган. Улар ёпиқ тадбир давомида суратга тушган, бир-бирларига нисбатан ҳис-туйғуларини кўрсатишдан тортинмаган. Қизнинг ўзи ҳозирча сукут сақламоқда, аммо энг юқори баҳоланган турк лойиҳаси саҳнасида унинг шахсий ҳаёти ҳам сериалдек қизиқарли бўлса ажаб эмас.
Мерт Рамазон Демир Афра Сарачўғли билан ажралганини тасдиқлади
Афсуски, Афра Сарачўғл ва Мерт Рамазон Демир жуфтлигининг барча мухлислари хафа бўладиган кўринади. Турк ОАВ Балидан қайтаётган актёрни аэропортда тўхтатиб, “Қўрғон сирлари” сериалидаги шериги билан ажралиши ҳақида сўради. Бу сафар Ферит жим турмади ва ҳозир унинг ҳаётида ҳеч ким йўқлигини айтиб, билвосита Афра билан ажрашганига ишора қилди.
Бироқ уларнинг муносабатларида бундай ҳолатлар тез-тез содир бўлади, бир оздан кейин яна ярашиб кетаверишади. Бундан ташқари, Афра ва Мерт ҳамкасблари — Берил Позам ва Эрсин Арижининг тажрибасига амал қилишга қарор қилишган бўлиши мумкин. Яқинда турмуш қурган жуфтлик барчани севишганлар эмаслигига охиригача ишонтиришди. Балки “Қўрғон сирлари”нинг бош актёрлари ҳам матбуот эътиборига тушмаслик учун атайлаб шундай қилишаётгандир?
Бурак Челик Эже Байракка турмуш қуришни таклиф қилди
“Сендан гўзал” ва “Ҳукмдор Усмон” сериалларидаги келишган йигитнинг мухлислари хурсанд бўлиши аниқ. Актёр Бурак Челик севгилиси Эже Байрак билан муносабатларини қонунийлаштиришга қарор қилди. Тўйнинг қачон бўлиб ўтиши номаълум, аммо, афтидан, 2024 йилнинг кузи ва ёзи охири Туркияда расман “келин-куёвлар паради” деб ҳисобланиши мумкин.
Тўғри, баъзи мухлислар унчалик мамнун эмас, чунки Бурак аллақачон икки марта уйланган ва унинг иккала никоҳи ҳам жуда тез ажралиш билан якунланган. Эркакнинг биринчи турмуш ўртоғи актриса Айшенур Ўзкан, иккинчи хотини эса Бушра Деврим эди.
Керем Бурсин 2024 йилги Венеция кинофестивалига Ҳадисе билан бирга борди
“Қалбим эшигини қоқ” юлдузи Керем Бурсин ва унинг мафтункор ҳамроҳи хонанда Ҳадисе Венеция фестивалида қизил гиламга чиқди. Туркия матбуотида уларнинг ташқи кўриниши севишганлар ёки турмуш қурган жуфтликнинг кўриниши билан таққосланган.
Юлдузларнинг образлари бир-бири билан мукаммал уйғунлашган. Афсуски, актёр мухлислар билан мулоқот қила олмади, шунинг учун у табассум, бош чайқаш ва томошабинлар билан самимий саломлашиш билан кифояланишга мажбур бўлди.
Пелин Акил “Қўрғон сирлари” сериалининг учинчи мавсумида Диёр ролини ўйнайди
“Қўрғон сирлари”нинг учинчи мавсумида Диёр ролини айнан ким ўйнаши маълум бўлди. Дастлабки маълумотларга кўра, бу қаҳрамон Сейран ва Ферит ўртасидаги муносабатларнинг ривожланишига сезиларли таъсир кўрсатади, шунинг учун бу ролга мос актрисани танлашга узоқ вақт керак бўлди. Энди мухлислар уни Пелин Акил ўйнашини билишади ва қиз аллақачон ижтимоий тармоқларда томошабинларнинг жиддий нафратига дучор бўлган.
Аммо Пелиннинг ўзи жамоанинг бир қисми бўлганидан хурсанд эканлигини айтиб, учинчи мавсумда “Қўрғон сирлари” сценарийси янада кучлироқ ва қизиқарли бўлишини ваъда қилди.
“Қалбим эшигини қоқ” фильми юлдузи Ситаре Акбаш операция қилинди
“Қалбим эшигини қоқ” ва “Алвон ғунчалар” телесериаллари юлдузи жиддий операцияни бошдан ўтказгани маълум бўлди. Актрисанинг сўзларига кўра, жарроҳлик Истанбул Окан университети касалхонасида бўлган. Турк журналистлари билан бўлиб ўтган қисқа учрашувда Ситаре операцияни лапароскопик усулда, жуда тез ва аниқ бажарган шифокорлар ва барча тиббиёт ходимларига миннатдорлик билдирди. Туркиялик актриса ҳозир ўзини анча яхши ҳис қилаётганини ва яқин орада бу ҳақда мухлисларига хабар бермоқчи эканлигини айтди.
Чағатай Улусой ва Сумее Айдўған учрашишмоқда
Бу ҳафта ижтимоий тармоқлар “Шафқатсиз” сериалида бирга рол ўйнаган Чағатай Улусой ва Сумее Айдўғаннинг яширин севгиси ҳақидаги хабарларга тўлиб кетди. Ҳозирча бу хабар тасдиқланганича йўқ, аммо расман инкор ҳам қилинмади. Лекин мухлислари аллақачон Чағатайга бахт тилашмоқда.
Турку Су Демирел учинчи мавсумда “Қўрғон сирлари” сериалида рол ўйнашни давом эттиради
Аввалига интернетда Ифакатнинг жияни ролини ўйнаган актриса қандай пайдо бўлган бўлса, худди шундай кутилмаганда кетиши ҳақида миш-мишлар тарқалди. Бироқ шошилинч хулоса қилмаслик керак, бу қиз лойиҳада қоладиганга ўхшайди. Албатта, “Қўрғон сирлари”нинг мухлислари бундан хурсанд эмас, чунки сериалда нафақат бош қаҳрамонларнинг бахтига, балки Холис оғанинг қўрғондаги хотиржамлигига таҳдид солиши мумкин бўлган жуда кўп янги аёл қаҳрамонлар пайдо бўлди.
Изоҳ (0)