Куз фаслининг ҳақиқий келинчаги бўлган қовоқ айнан ҳозирги мавсумда дастурхонимизни тўлдириб турадиган энг фойдали полиз экинларидан биридир. Унинг фойдали хусусиятлари ва кимларга мумкин эмаслиги ҳақида парҳезшунос Ирина Меркулова маълумот берди.
Мутахассиснинг айтишича, қовоқ таркибида А витамини ва бета-каротин моддаси кўп бўлиб, улар кўзлар саломатлигини мустаҳкамлайди, иммун тизимини мустаҳкамлайди, холестерин даражасини пасайтиради ва ошқозон-ичак тракти фаолиятини яхшилайди.
Шунингдек, қовоқда C ва B витаминлари ҳамда иммунитет ва тери саломатлигини қўллаб-қувватлайдиган, овқат ҳазм қилишни яхшилайдиган ва холестерин даражасини пасайтирадиган А витамини (бета-каротин) мавжуд.
Ушбу полиз экини бошқа сабзавотлардан фарқли равишда ўзида ноёб Т витаминини сақлайди, у қизил ва оқ қон таначалари шаклланишига фойдали таъсир кўрсатади. Бундан ташқари, қовоқ уруғи ҳам кони фойда бўлиб, унда магний, синк ва шифобахш ёғларга бой. Қовоқ уруғи суюқ таомлар, бўтқалар ҳамда ширинликларни тайёрлаш учун мос келади.
“Қовоқ — конфет ва булочкаларнинг ўрнини босувчи ажойиб маҳсулот. Ушбу экин жуда ширин бўлишига қарамай, калорияси паст. 100 грамм хом қовоқда ўртача 22 килокалория қувват мавжуд. Қовоқнинг асосий қисми сувдан иборатдир”, дея тушунтирди парҳезшунос.
Қовоқ ўзининг бир қатор шифобахш хусусиятларига қарамай, экинни истеъмол қилиш тавсия этилмайдиган инсонлар тоифаси мавжуд. Уларга қандли диабет билан оғриганлар ёки қонида шакари юқори бўлган беморлар киради. Чунки пиширилган қовоқ юқори гликемик индексга эга ва унинг кўрсаткичи 75 гача боради.
Изоҳ (0)