Женнифер Гарнер мухлислари учун ферма услубидаги уйига саёҳат уюштирди. Ҳашаматли уйнинг нархи 7,9 млн доллардан ошади.
52 ёшли актриса 2019 йилда Бен Аффлек билан ажрашгандан сўнг ўзига янги уй сотиб олиб жиҳозлаган эди.
Жен барча тайёр вариантларни рад этганидан сўнг, дизайнер Брук Жаннетти ва унинг турмуш ўртоғи, меъмор Стив Жаннеттига мурожаат қилади.
“Мен ваҳимага туша бошладим, лекин ҳатто журналдаги расмларни кўрсатишга ҳам тўғри келмади. Мен шунчаки нима хоҳлаганимни айтдим, улар ҳаммасини кўнглимдагидек қилиб беришди”, дея давом этади Гарнер.
Юлдузнинг орзусидаги уйда Гарри Поттер услубидаги хона, аквариум ва тунги зиёфатлар учун жойлар бор. Гарнернинг севимли жойи — китоб ўқиш бурчаги. Бундан ташқари, Женнифер овқат пиширишни жуда яхши кўради, сабзавот ва кўкатларни ўзи етиштиради.
Изоҳ (0)