БРИКС саммити муносабати билан Россия президенти Владимир Путин номидан ўтказилган тантанали зиёфатда дунё етакчилари қандай таомлар билан сийлангани маълум бўлди. У 23 октябрь куни кечқурун Kazan Expo кўргазмасида бўлиб ўтди. Зиёфат аввалида Путин меҳмонларга мурожаат қилди.
Қадрли дўстлар, бугун бу ерда эканлигингиз учун ташаккур. Халқларимизнинг гуллаб-яшнаши, ўзаро ҳамкорлигимизнинг мустаҳкамланиши ва барча иштирокчиларнинг саломатлиги учун қадаҳ кўтаришни таклиф қиламан, дея қисқа мурожаатини якунлади Путин.
Шундан сўнг саммитга келган етакчилар қадаҳ кўтарди. Меҳмонларга тантанали қабулда қуйидаги таомлар таклиф этилди:
- Картошкали “Қистибий” татар нони
- Осётр балиқли чучвара ёки қўзиқоринли вареник;
- Лайм шарбати;
- Сабзавот билан пиширилган судак балиғи ёки сабзавот билан димланган қўзичоқ болдири ёки сабзавотли лазаня;
Десерт учун ванилли музқаймоқ билан олма пироги ёки шоколадли торт тортилган. Меҳмонларга алкоголсиз ичимликлар, шунингдек, Краснодар ўлкасининг энг жанубий узумзорларидан келтирилган шароблар таклиф этилган. Таомномаларда вегетариан таомлар алоҳида белгиланган.
Изоҳ (0)