Сабзавот, полиз экинлари ва картошкачилик илмий тадқиқот институти Самарқанд илмий тажриба станциясида донаси 2 килодан ортиқ картошка етиштирилди. Бу ҳақда Қишлоқ хўжалиги вазирлиги ахборот хизмати раҳбари Дилшод Назиров “Дарё”га маълум қилди.
Илмий тажриба станция даласига 11 гектар майдонга картошканинг Боғизоғон, Раноми, Эволюшин, Аризона, Сильвана ва Лусинда навлари экилган.
Станция Самарқанд вилоятининг Тойлоқ туманидаги “Ҳаёт” маҳалласида жойлашган. Картошканинг турли навларидан 8 гектар майдонга экилган. Ҳар гектаридан ўртача 35-40 тонна, баъзи қисмидан 50-52 тоннагача ҳосил олинди.
Катта картошкалар ўлчаб кўрилганида вазни 2 килодан ортиқ юк қилганлари ҳам бўлди.
Самарқанд илмий тажриба станциясида ҳозирги кунда бир қатор помидор, ош лавлаги, ширин қалампир, ширин маккажўхори, батат, қовун, қовоқ, тарвуз, қовоқча, патиссон каби сабзавот ва полиз экинларининг янги навларини яратиш устида селексия устида ишланмоқда, — деди Дилшод Назиров.
Унинг қўшимча қилишича, жамоа томонидан баҳорги ва ёзги муддатларда картошка етиштиришнинг ресурстежамкор, инновацион усуллари тўғрисидаги тавсиянома чиқарилиб, деҳқон ва фермар хўжаликларига ёрдам бериб келмоқда.
Изоҳ (0)