Кунгабоқар ёғининг ўрнини боса оладиган 10 та маҳсулот

Кўпгина парҳезшунослар кунгабоқар ёғи фойдадан кўра кўпроқ зарар келтиради, деган хулосага келди. Marie Claire нашри унинг ўрнини боса оладиган муқобил маҳсулотларни санаб ўтди.

Кўпчилик таом тайёрлаш вақтида одат тусига айланган кунгабоқар ёғидан фойдаланади. Бу энг осон йўл, лекин, афсуски, фойдали эмас: юқори ҳароратларда, кунгабоқар ёғи ўзидан алдегидларни чиқаради. Улар яллиғланиш реакцияларини тезлаштиради ва юрак-қон томир, ошқозон-ичак касалликларининг ривожланишига ҳисса қўшади, ҳатто саратон ривожланишига олиб келиши мумкин. Бундан ташқари, кунгабоқар ёғининг калорияси жуда юқори, шунинг учун ҳатто салатга қўшилса ҳам вазн ортишига олиб келиши мумкин. Албатта, бу маҳсулот ҳам афзалликларга эга (агар қайта ишланмаган ёғ бўлса), лекин бу озуқавий қўшимчани рад этадиган одамлар тобора кўпайиб бормоқда.

Кокос ёғи

Кунгабоқар ёғини кокос ёғига алмаштириш жуда яхши танловдир, чунки иккинчиси жуда кўп фойдали хусусиятларни ўз ичига олади. У организмдаги ҳужайраларнинг ривожланиши ва фаолиятига таъсир қилувчи тўйинган ёғ ҳисобланади. Унда антивирус ва антибактериал хусусиятларга эга иммунитет тизимини мустаҳкамловчи лаурик кислота ҳам мавжуд. Кокос ёғи парҳезда бўлганлар учун мукаммал маҳсулот ҳисобланади — у метаболизмни тезлаштиради ва бир ош қошиқда фақат 117 калория бор.

Зайтун ёғи

Зайтун ёғи энг кенг тарқалган ажойиб ўринбосардир, уни деярли ҳар қандай салат ва қовурилган гўшт билан татиб кўриш мумкин. Аммо зайтун ёғи пишириш пайтида ўзига хос ҳидга эга бўлади, бу эса ҳаммага ҳам ёқмайди. У муҳим ёғ кислоталари, К ва Э витаминлари, кальций, фосфор, калий, антиоксидантларни ўз ичига олади. Зайтун ёғидан доимий фойдаланиш токсинларни чиқариб ташлаш, холестеринни камайтириш, қон томирларини кенгайтириш ва овқат ҳазм қилиш жараёнини яхшилашга ёрдам беради.

Писта ва ёнғоқлар

Салатлар учун ҳар қандай ёғдан бутунлай воз кечиш ва ёғларни ўз ичига олган маҳсулотлардан фойдаланиш мумкин. Мисол учун, қовоқ, зиғир уруғи, кунжут, писта, ёнғоқ ва қарағай ёнғоқлари. Писта ва ёнғоқлар холестерин даражаси ҳамда юрак касалликлари хавфини камайтирадиган тўйинмаган ёғларнинг табиий манбаи ҳисобланади.

Авокадо

Салатнинг энг яхши асоси авокадо бўлиб, у бошқа таомларнинг таъмини янада мазали қилади ва соғлиқ учун жуда кўп фойда келтиради. Авокадодан салат, шоҳона таом ҳамда ширинликлар учун фойдаланиш мумкин.

Сметана ва сутли йогурт

Бирор маҳсулотни товада қовуриш учун кунгабоқар ёғини сметана ёки табиий йогурт билан осонгина алмаштириш мумкин. Ушбу соуслар етарли миқдордаги ёғни ўз ичига олади ва маҳсулотни янада юмшоқ ва мазали қилади. Худди шу нарса балиқ пишириш учун ҳам амал қилади. Сметанани салатларга ишонч билан қўшиш ёки янада тўйимли қилиш учун майонездан фойдаланиш мумкин.

Сабзавот ва мева пюреси

Агар меҳмонларни ширинлик ёки пишириқлар билан ажаблантиришни истасангиз, унда кунгабоқар ёғи ўрнига мева пюресини қўшиб кўриш тавсия этилади. Олма, банан, ўрик — бунда ҳар ким таъбга кўра фойдаланиши мумкин. Кўпчилик банан пюресини ширинлик ёки печеньеларни юмшоқ бўлиб чиқиши учун қўшади.