Ушбу маҳсулотларнинг баъзилари музлаткичда сақлангани сабабли таъмини йўқотади, бошқалари оддийгина жавонда ҳам хавфсиз тарзда сақланиши мумкин. Гап қайси мева ва сабзавотлар ҳақида кетаётганини билиш учун қуйидаги материални кўриб чиқинг.
Ҳар гал таом тайёрлашдан олдин бозор ёки дўконга бориш кўпчилик учун оворагарчилик туғдиради. Шу боис кўпинча узоқ муддатли сақлаш учун музлаткичга озиқ-овқат қўямиз. Бироқ уларнинг ҳаммаси ҳам совуққа чидамсиз. Музлаткичда сақламаслик керак бўлган маҳсулотлар:
Помидор
Дераза токчаси помидор учун мутлақ мос шароитдир, музлаткич уларнинг тузилишини бузади, юмшатиб, сабзавотнинг таъмини камайтиради. Агар помидор иштаҳани очувчи ва серсув бўлишини истасангиз, уни музлаткичга қўйманг.
Олхоъри, шафтоли ва гилос
Помидорда бўлгани каби олхўри, шафтоли ва гилос каби мевалар совуқда тузилишини ўзгартиради. Улар юмшаб қолганда бу мевалар энди унчалик мазали бўлмай қолади. Уларни жавонда сақлаш яхшироқ.
Авокадо
Авокадо очиқ ҳавода яхши туради, шу боис жавон ёки дераза токчаси бу мева учун қулай жойдир. Фақат пишган авокадони ейишдан бир ёки икки кун олдин музлаткичда сақлаш мумкин.
Пиёз
Пиёз кўкатлари бундан мустасно. Аммо унинг бошқа барча ҳосилаларини музлаткичдан узоқроқ сақлаган маъқулдир. Пиёзни салқин, қуруқ ва қоронғи жойда сақлаш лозим. Дарвоқе, уни полиэтилен қопларга ўрашдан эҳтиёт бўлинг.
Саримсоқ
Пиёз каби саримсоқ ҳам нафас олиши керак. Уни қуруқ ва қоронғи жойда сақланг ва полиэтилен қопдан кўра матоли тўрвада сақланг.
Картошка
Крахмалли сабзавотлар қуруқ ва қоронғи жойда туриши керак. Салқин, лекин совуқ бўлмаган жойда. Бундай шароит картошкадан ниш униб чиқишига тўсқинлик қилади. Ниш униб чиққан картошка айрим потенсиал зарарли бирикмаларни ўз ичига олади ва уларни истеъмол қилиш ярамайди.
Қовун
Қовунни музлаткичда сақлаш мумкин, лекин у истеъмол қилиш вақтида хона ҳароратида бўлгани маъқул. Бу уни иложи борича юмшоқ қилади, оғизда эрувчан бўлади. Қовуннинг ҳароратини ўзгартириш унинг сувини камайтиради.
Ананас
Ананаснинг хусусияти шуки, у плантацияда бандидан кесилганидан кейин ўсишни тўхтатади ва ортиқ пишмайди. Шунинг учун ширин таъмлисини истеъмол қилиш учун яхши пишган мевани сотиб олишга ҳаракат қилиш керак. Бу унинг хона ҳароратида ҳам сақланиши мумкинлигини англатади.
Маккажўхори
Маккажўхори аслида сабзавот эмас, лекин у музлаткичда ҳам сақланмайди. Маккажўхорини музлаткичга қўйишнинг ўзи унга зарар бермайди ва уни узоқроқ сақлаши ҳам мумкин. Бир ёки икки кун ичида уни ишлатмоқчи бўлсангиз, тезроқ бузиладиган овқат учун жой бўшатиб қўйишингиз мумкин.
Қовоқ
Ананас каби қовоқ музлаткичда эмас, балки жавонда хавфсиз туради. Катта ҳажмли сабзавот ўрнига, совуқ микроиқлимда тезроқ бузиладиган нарсаларни қўйинг.
Мавзуга доир:
Изоҳ (0)