Юз шишиб қолишининг сабаблари ва ундан қутулишнинг 9 та самарали усули

Эрталаб уйғонганда юз ва қовоқларнинг шишиши хунук кўринади ва инсонни бироз асабийлаштиради. Кўпчилик шишни ортиқча сув истеъмоли билан боғлайди, лекин кўпинча бунга боғлиқ эмас. Деярли ҳар бир аёл бундай ҳолатда дуч келади. Шиш кўпинча уйқудан кейин эрталаб, бир кун олдин шўр овқатлар ва суюқликларни кўп истеъмол қилиш натижасида, уйқу етишмаслиги ёки стресс туфайли пайдо бўлади. Лиса нашри юз шишишини қандай тезда кетказиш усуллари ҳақида ёзади.

Аёлларда юзнинг шишишига:

• Таомнома;
• Ухлашдан аввал кўз ёшлари;
• Ортиқча иш;
• Уйқу етишмаслиги сабаб бўлиши мумкин.

Аммо турли касалликлар натижасида юз шишиши эҳтимолдан ҳоли эмас: аллергия, юрак-қон томир ёки гормонал касалликлар, буйракларнинг нотўғри ишлаши ва ҳоказо. Шунинг учун агар шиш сизни узоқ вақтдан бери безовта қилса, ўзбошимчалик билан даво чораларини кўрмаслик ва мутахассисга ҳолатни тушунтириш керак.

Кўз остида доираларнинг пайдо бўлишининг сабабларидан бири пастки қовоқ чурраси ёки периорбитал минтақада ортиқча терининг мавжудлиги бўлиши мумкин. Бундай шишда на бодринг, на картошка, на тўғри овқатланиш ёрдам беради. Бу аллақачон ёш билан боғлиқ нуқсон (40 ёшдан кейин аёлларда юзнинг шишиши сабабларидан биридир), мутахассислардан ёрдам сўраган яхшидир. Муаммони ҳал қилишнинг бир нечта усуллари мавжуд: мезотерапия инексиялари ва лимфа дренаж массажидан радиочастотани кўтариш ва контурлашгача. Пастки кўз қовоғи чуррасидан қутулишнинг энг самарали усулларидан бири ҳали ҳам пластик жарроҳлик — пастки қовоқнинг блефаропластикасидир.

Юз шишишидан қандай халос бўлиш мумкин?

Кўпчилик истеъмол қилинадиган суюқлик миқдорини камайтириш муаммони бартараф этишга ёрдам беради, деб ҳисоблайди. Аммо кўпинча бу, аксинча, унинг етишмаслиги ёки сув-туз алмашинувининг бузилиши туфайли содир бўлади. Шунинг учун, сув истеъмолини камайтириш фойда бермайди, бинобарин, шишишни кучайтириши мумкин. Сиз ичадиган суюқлик сифати ҳам муҳимдир. Рационда ҳеч қандай қўшимчаларсиз тоза сув бўлсин.

Юзнинг шишиши билан курашишнинг бир неча самарали усуллари:

1. Ҳарорат контрасти

Эрталаб уйда мустақил равишда юзни иссиқ ва совуқ сув билан кетма-кет, шунчаки контрастли ювишни амалга оширинг. Муз кубикчаларини юзга ишқалаш ҳам ёрдам беради. Агар оддий сувни эмас, балки ромашка ёки ялпиз дамламаларини музлатиб қўйсангиз, икки ҳисса фойда. Ушбу усулнинг натижаси учун мунтазамлик жуда муҳимдир. Бир ёки икки марта ювиш муаммони ҳал қилмайди.

2. Юзни массаж қилиш

Бу юз қон томирларининг ишини рағбатлантириш ва лимфа тизимини яхшилашнинг ажойиб ва ​​самарали усулидир. Жараённи қўллар, шунингдек, махсус асбоблар ёрдамида бажариш тавсия этилади. Stone Roller ишлатишдан олдин уни музлатгичда совитишни унутманг.

3. Оддий ичимлик режими

Юқорида айтиб ўтилганидек, суюқлик етишмаслиги туфайли ҳам юз шишади. Бу метаболик жараёнларни ва сув-туз балансини тиклаш учун кун давомида тоза илиқ сув ичиш кераклигини англатади. Зарур ҳажмни ҳисоблаш оддий: тананинг бир килограмми учун 30 миллилитр суюқлик керак бўлади.

4. Мунтазам жисмоний фаолият

Ҳар қандай ўртача интенсив жисмоний фаоллик метаболизмни тезлаштиришга, сувни ҳужайралараро бўшлиқдан мушак тўқималарига йўналтиришга ёрдам беради.

5. Физиотерапия

Бундай усулни ўзингизга мустақил равишда тайинлай олмайсиз.  Косметолог тавсиясини олган яхшироқдир. Барча курс муолажалари қоида тариқасида 7-10 сеансдан иборат лекин улар доимий таъсирга эга.

Бувижонларнинг усуллари

Аллақачон ромашка ёки ялпизли дамламадан муз кубикчалари ҳақида маълум қилган эдик. Аммо уй шароитда ишлайдиган бир нечта бошқа воситалар мавжуд.

• Кучли яшил ёки қора чой. Совуқ чой баргларида нам пахта ёстиқчалари, кўзларингизга ўндан йигирма дақиқагача қўйинг. Бир-иккита чой пакетининг устига қайноқ сув қуйиб, музлатгичга бир муддат қўйиб, кейин кўз қовоқлари устига қўйишингиз мумкин.
• Сабзавотни тилим-тилим кесиб олинг, юзингизга қўйиб чиқинг. Тетиклантирувчи табиий компресс терини мукаммал намлайди ва юздаги шишни кетказади.
• Наъматак дамламаси. Қайноқ сувга наъматак доналарини солинг, бир неча соатга қолдиринг. Кун давомида уни ичишингиз мумкин — қаҳва ёки оддий чойга ажойиб альтернатив.

Кўп йиғлаган бўлсангиз

Керагидан ортиқ кўп йиғладингиз ва юзнинг шишиши пайдо бўлди — нима қилиш лозим? Бунда оддий картошка ёрдам беради. Картошка таркибида теридаги қора доираларни, шишишни кетказадиган махсус ферментни мавжуд. Юпқа хом картошка тилимларидан юзга компресс қилинг.

Тухум оқи яна бир синалган усулдир. Тухумнинг оқини яхшилаб кўпиртиринг, пахтали ёстиқчалари билан муаммоли жойларга қўйинг. Тўлиқ қуригунча кутинг. Тери бироз тортилиши мумкин, шунинг учун дискларни эҳтиёткорлик билан олиб ташланг, сўнг намловчи воситани қўлланг.

Юз шишининг олдини олиш чоралари

Бу муаммо доимий бўлса, турмуш тарзингизни ўзгартириш ҳақида ўйлаб кўринг. Агар шиш ҳеч қандай сабабсиз юзага келса, бу буйрак ёки юрак касаллигининг жиддий “қўнғироғи” бўлиши мумкин. Шифокорга учрашни кечиктирманг. Соғлом бўлсангиз, уни юзага келмаслиги учун оддий қоидаларга амал қилинг.

• Кечаси кўп суюқлик ичманг. Бир стакан сув ёки қўшимча миқдорда чой ичиш эрталаб муаммо туғдириши мумкин.
• Жисмоний фаоллик ҳақида унутманг — гимнастика, югуриш, ёга ёки спорт залида машқ қилиш — ҳар қандай спорт тури билан шуғулланиш фойдалидир.
• Томирларни контрастли ювиш йўли билан мустаҳкамланг.
• Рационга кўпроқ сабзавот, мева, кўкатларни қўшинг. Селдерей, пиёз, тарвуз, қовун, узум, қовоқ, қора смородина, сут маҳсулотлари яхши ёрдам беради.
• Кунига етарли миқдорда сув ичинг (чекловдан ошиб кетмасликка ҳаракат қилинг, лекин организм сувсизланиб қолмасин).
• Қовурилган, дудланган, шўр овқатларни камроқ тановул қилинг.
• Етарлича ухланг: уйқу етишмаслиги туфайли ҳам юз шишиши кузатилади.

Ҳамиша ёдда сақланг, соғлом турмуш тарзи гўзалликнинг муҳим шартидир.

Мавзуга доир:

• Кўз остида қора доғлар пайдо бўлишининг 8 та сабаби 
• Ақл тиши нима учун керак ва уларни олдириш зарурми?
• Стресс юз терисига қандай таъсир кўрсатади?