Афғонистоннинг Нангарҳор вилоятида камида 20 нафар дўкон сотувчилари намозни ўтказиб юборгани учун “жазоланди”. Бу ҳақда манбалар Hasht-e Subh Daily нашрига хабар берди.
Манбаларга кўра, “Толибон” Жалолобод шаҳрининг турли ҳудудларида дўкон сотувчиларини калтаклаган, 50 га яқин дўкон ёпилган. Сотувчилар “Толибон” босимидан тўйганини айтмоқда. Нангарҳордаги муваққат ҳукумат расмийлари бу маълумотга изоҳ бермаган.
Турли вилоятларда ўзини “Толибон”лардан деб атаган агентлар одамларнинг шахсий ҳаётини кузатиб, фуқароларни таъқиб қилмоқда, дейилади хабарда.
Маълумот ўрнида, “Толибон” ҳокимият тепасига келганидан кейин жамоат намози вақтида дўконларни ёпиш мажбурий бўлган.
Изоҳ (0)