Afg‘onistonning Nangarhor viloyatida kamida 20 nafar do‘kon sotuvchilari namozni o‘tkazib yuborgani uchun “jazolandi”. Bu haqda manbalar Hasht-e Subh Daily nashriga xabar berdi.
Manbalarga ko‘ra, “Tolibon” Jalolobod shahrining turli hududlarida do‘kon sotuvchilarini kaltaklagan, 50 ga yaqin do‘kon yopilgan. Sotuvchilar “Tolibon” bosimidan to‘yganini aytmoqda. Nangarhordagi muvaqqat hukumat rasmiylari bu ma’lumotga izoh bermagan.
Turli viloyatlarda o‘zini “Tolibon”lardan deb atagan agentlar odamlarning shaxsiy hayotini kuzatib, fuqarolarni ta’qib qilmoqda, deyiladi xabarda.
Ma’lumot o‘rnida, “Tolibon” hokimiyat tepasiga kelganidan keyin jamoat namozi vaqtida do‘konlarni yopish majburiy bo‘lgan.
Izoh (0)