“Толибон” опиум етиштиришни тақиқлаганидан сўнг, бутун мамлакат бўйлаб фермерларга 100 минг тоннага яқин буғдой ва маккажўхори уруғлари, шунингдек, 200 минг тонна кимёвий ўғит тарқатди. Бу ҳақда Афғонистон Қишлоқ, ирригация ва чорвачилик вазирлиги хабар берди.
“Деҳқонларни қўллаб-қувватлаш учун уруғ ва ўғитлар миллий ҳамда халқаро ташкилотлар билан яқин ҳамкорликда республика бўйлаб тарқатилди”, деди вазирлик матбуот котиби Мисбаҳоуддин Мустаин.
Унга кўра, жорий йил охиригача фермерлар яна 53 минг тонна уруғ олади. Бугунги кунда маккажўхори ва буғдой етиштириш фермерларга кўкнори экишдан оладиган даромадни келтирмаяпти. Шу сабабли, улар қишлоқ хўжалиги вазирлигидан опиум ўрнига донли экинлардан кўра даромадлироқ экин бериш имкониятини сўрамоқда.
“Толибон” 2023 йил Ҳилманд вилоятида опиум ўрнига экиш учун муқобил вариант сифатида хурмо палмасини айтганди. Биринчи ҳосилни 19 ойдан кейин йиғиб олиш мумкин, бундан ташқари, палма дарахти буғдойга қараганда камроқ сув истеъмол қилади. Ҳилманднинг қуруқ иқлими бунга мос келиши таъкидланган. “Толибон” ўшанда янги ҳосилга 100 гектар ер ажратилишини айтганди.
Изоҳ (0)