Афғонистонда “Толибон” спортчилар бир-бирининг бошига ёки юзига уриши мумкин бўлган спорт турларини тақиқлади.
![](/static/2024/08/27/photo_2024-08-27_17-38-41-UNehXrt0.jpg)
Спорт манбалари буйруқ “Толибон” раҳбарияти томонидан берилганини тасдиқлаган. Бу қарор фақат эркин курашни тақиқлашга қаратилмаган. Спорт манбаларига кўра, мазкур буйруқ барча жанг спорт турларига тааллуқли бўлиши мумкин.
26 август куни Кобулда турли жанг санъатларининг айрим вакиллари ва бир қатор жисмоний тарбия вакиллари бу масалани муҳокама қилишган.
Бироқ бу буйруқ қандаҳорлик “Толибон” раҳбарияти томонидан берилган ва бажарилади, дейди спорт вакиллари.
Ҳукм тахминан 15 саҳифадан иборатлиги ва “Толибон”нинг жисмоний тарбия бўлими ҳали уни федерацияларга юбормагани айтилмоқда. “Толибон” спорт мутасаддилари тез орада йиғилиш ўтказиб, бир қарорга келиши ҳамда уни спорт федерацияларига юбориши кутилмоқда.
Янги қарорга кўра, рақибга (спортчига) жароҳат етказадиган ва спортчининг кўрлиги, бурни шикастланиши ёки ўлимига сабаб бўлиши мумкин бўлган спорт турлари Ислом шариати бўйича тақиқланган.
“Спортчи қасддан ўзини ўлимга дучор қилгани учун шариат нуқтаи назаридан бу спорт тури қабул қилиниши мумкин эмас”, дейилади қарорда.
“Толибон”нинг Спорт ва жисмоний тарбия департаменти аввалроқ спорт федерациялари ва барча соҳадаги спортчиларнинг кийимларига чекловларни назарда тутувчи фармон чиқарган эди.
Афғонистондаги сиёсий воқеалардан кейин кўплаб спорт клублари ёпилган ва эркин кураш фаолияти узоқ вақт тўхтатилган. Аммо муайян ҳаракатларни тақиқлаш билан у аста-секин кучга кира бошлаган. “Афгҳанистан интернатионал” нашрига кўра, “Толибон” раҳбариятининг жанг санъатларини тақиқловчи янги буйруғи ҳали расман эълон қилинмаган ва қайси жанг санъатлари федерациялари ёпилиши номаълум.
“Ҳозирда таэквондо, каратэ, муай-тай, кикбоксинг, ушу, бокс, эркин кураш, яккакурашлар йўналишлари бўйича барча спортчилар ва совриндорлар ноаниқ вазиятда ва барча хавотирда”, дейилади хабарда.
Илгари, аксарият спорт мутахассислари бундай буйруқларга қарши чиқиб, ҳеч ким спортнинг универсал ва қабул қилинган қоидаларини ўз хоҳишига кўра ўзгартира олмаслигини таъкидлаган эди.
Аввалроқ “Толибон” спортчиларни спорт мусобақаларида қуйидагиларга риоя қилишга мажбурлаган:
- белгиланган вақтда намоз ўқиш; клубларда мусиқа қўймаслик; спорт натижаси учун пул тикиш, қимор ва тил бириктиришдан сақланиш; жанг санъатида бош ва юзга уришдан сақланиш ва шу кабилар.
Изоҳ (0)