Қирғизистон пойтахти Бишкек шаҳрида “Росатом” давлат корпорацияси “Қирғизистон Республикаси энергетика фахрийлари кенгаши” жамоат бирлашмаси билан ҳамкорликда “Атом электр станциялари хавфсизлиги” мавзусида техник семинар бўлиб ўтди.
Семинарда 90 дан ортиқ иштирокчилар қатнашган, улар орасида энергетика соҳаси фахрийлари, И.Раззоқов номидаги Қирғизистон давлат техника университети вакиллари, илмий-тадқиқот институтлари, шунингдек, бошқа манфаатдор давлат вазирликлари ва саноат ташкилотлари ҳам бўлган.
Маърузачилар семинар иштирокчиларига “Росатом” компаниясининг кам қувватли реакторларни ишлатиш тажрибаси, кам қувватли атом электр станцияларининг сейсмик хавфсизлигини таъминлаш бўйича таклиф этилган ечимлар, ишлатилган ядро ёқилғисини бошқариш ва қайта ишлашга замонавий ёндашувлар, шунингдек, давлат корпорациясининг таклифлари ҳақида маълумотлар берган.
Семинарни “Қирғизистон Республикаси энергетика фахрийлари кенгаши” жамоат бирлашмаси раиси Чоробай Акунов очар экан, АЭС қурилиши лойиҳасини амалга ошириш мамлакат учун муҳимлигини таъкидлаган.
“Қирғизистон – ўсиб бораётган иқтисодиёт ва биз учун атом энергетикаси саноат ҳамда инсоний салоҳиятимизни очириш учун муҳим воситадир”, дейди у.
Иштирокчиларни қизиқтирган саволлардан бири “Росатом” Қирғизистонга таклиф этаётган технологиялар хавфсизлиги масаласи бўлган.
“Росатом” ўз технологияларининг ишончлилигини кафолатлайди. Мен, айниқса, сейсмиклиги юқори бўлган мамлакатлар учун ечимларимиз хавфсизлигини таъкидламоқчиман. “Росатом” аллақачон сейсмик фаол мамлакатларда ўз лойиҳаларини муваффақиятли амалга оширган, дейди “Росатом”нинг Қирғизистондаги ваколатхонаси раҳбари Дмитрий Константинов ўз нутқида
Унинг таъкидлашича, “Росатом” Россия шимолида кам қувватли лойиҳани муваффақиятли амалга оширган, шунингдек, яқинда Ўзбекистоннинг Жиззах вилоятида кам қувватли АЭС қуриш бўйича жаҳон тарихидаги биринчи экспорт шартномасини имзолаган дунёдаги ягона компания ҳисобланади.
Қирғиз халқи “Росатом” уларга фақат исботланган технологияларни таклиф қилишига ишончи комил бўлиши мумкин, дея қўшимча қилган Константинов.
Йиғилиш доирасида қирғизистонлик мутахассислар, шунингдек, Нововоронеж АЭС бўйлаб виртуал саёҳат қилиш ҳамда VVER-1200 реакторига эга дунёдаги биринчи энергия блокининг асосий ишлаб чиқариш биноларини кўришга муваффақ бўлган.
Изоҳ (0)