Qirg‘iziston poytaxti Bishkek shahrida “Rosatom” davlat korporatsiyasi “Qirg‘iziston Respublikasi energetika faxriylari kengashi” jamoat birlashmasi bilan hamkorlikda “Atom elektr stansiyalari xavfsizligi” mavzusida texnik seminar bo‘lib o‘tdi.
Seminarda 90 dan ortiq ishtirokchilar qatnashgan, ular orasida energetika sohasi faxriylari, I.Razzoqov nomidagi Qirg‘iziston davlat texnika universiteti vakillari, ilmiy-tadqiqot institutlari, shuningdek, boshqa manfaatdor davlat vazirliklari va sanoat tashkilotlari ham bo‘lgan.
Ma’ruzachilar seminar ishtirokchilariga “Rosatom” kompaniyasining kam quvvatli reaktorlarni ishlatish tajribasi, kam quvvatli atom elektr stansiyalarining seysmik xavfsizligini ta’minlash bo‘yicha taklif etilgan yechimlar, ishlatilgan yadro yoqilg‘isini boshqarish va qayta ishlashga zamonaviy yondashuvlar, shuningdek, davlat korporatsiyasining takliflari haqida ma’lumotlar bergan.
Seminarni “Qirg‘iziston Respublikasi energetika faxriylari kengashi” jamoat birlashmasi raisi Chorobay Akunov ochar ekan, AES qurilishi loyihasini amalga oshirish mamlakat uchun muhimligini ta’kidlagan.
“Qirg‘iziston – o‘sib borayotgan iqtisodiyot va biz uchun atom energetikasi sanoat hamda insoniy salohiyatimizni ochirish uchun muhim vositadir”, deydi u.
Ishtirokchilarni qiziqtirgan savollardan biri “Rosatom” Qirg‘izistonga taklif etayotgan texnologiyalar xavfsizligi masalasi bo‘lgan.
“Rosatom” o‘z texnologiyalarining ishonchliligini kafolatlaydi. Men, ayniqsa, seysmikligi yuqori bo‘lgan mamlakatlar uchun yechimlarimiz xavfsizligini ta’kidlamoqchiman. “Rosatom” allaqachon seysmik faol mamlakatlarda o‘z loyihalarini muvaffaqiyatli amalga oshirgan, deydi “Rosatom”ning Qirg‘izistondagi vakolatxonasi rahbari Dmitriy Konstantinov o‘z nutqida
Uning ta’kidlashicha, “Rosatom” Rossiya shimolida kam quvvatli loyihani muvaffaqiyatli amalga oshirgan, shuningdek, yaqinda O‘zbekistonning Jizzax viloyatida kam quvvatli AES qurish bo‘yicha jahon tarixidagi birinchi eksport shartnomasini imzolagan dunyodagi yagona kompaniya hisoblanadi.
Qirg‘iz xalqi “Rosatom” ularga faqat isbotlangan texnologiyalarni taklif qilishiga ishonchi komil bo‘lishi mumkin, deya qo‘shimcha qilgan Konstantinov.
Yig‘ilish doirasida qirg‘izistonlik mutaxassislar, shuningdek, Novovoronej AES bo‘ylab virtual sayohat qilish hamda VVER-1200 reaktoriga ega dunyodagi birinchi energiya blokining asosiy ishlab chiqarish binolarini ko‘rishga muvaffaq bo‘lgan.
Izoh (0)