Ўзбекистонда доллар курси 12 400 сўмдан тушди

Марказий банк хорижий валюталарнинг ўзбек сўмига нисбатан 25 августда амалда бўладиган қийматини эълон қилди.

Унга кўра:

• доллар 56,70 сўмга тушиб, 12 357,09 сўм бўлди;
• евро 137,75 сўмга пастлаб, 14 330,52 сўм бўлди;
• рубль 1,37 сўмга тушиб, 153,49 сўмни ташкил этди.

Бу доллар курсининг йил бошидан буён қайд этилган энг паст қийматидир. Ундан аввалги энг паст қиймат 24 июнда 12 410,99 сўмни ташкил этган. 

Доллар курсининг пастлашига турки берувчи бир қанча омиллар мавжуд. Улардан бири — бу экспорт тушумларининг, хусусан, олтин сотувининг кескин ўсиши ҳисобланади.