Баъзан дунё лидерлари ва бошқа йирик сиёсий фигуралар етиб бўлмайдиган даражада туюлади — уларнинг фаровон ҳаёт тарзи, чексиз интервьюлари ва иложи борича расмий мулоқот услуби жамоатчиликни четлатиши мумкин. Бироқ президентлар ҳам биз каби одамлар: ҳатто камера ва жамоатчилик қаршисида туришса ҳам улар ўзларининг одатлари, қизиқишлари ва албатта, овқатланиши билан бизга ўхшайди. Қуйида турли мамлакатларнинг президентлари кунни қандай бошлаши ҳақида батафсил сўзлаб берамиз.
Жо Байден
Жо Байден атрофида бўлганларнинг барчаси биладики, 81 ёшли сиёсатчи фастфудларни яхши кўради, шу сабаб ҳам рафиқаси Жилл доим уни уришади. Нонуштада Америка президенти ерёнғоқ мойи ва мураббо суртилган 2 та сэндвични апельсин шарбати ёки қора қаҳва билан ейишни афзал кўради. Тушлик ва кечки овқатда эса деярли доимо бургер, пицца, спагетти ва бошқа фастфудлар ейди, ўзини ҳеч нарсадан чекламайди. Жо Байден бундай зарарли таомларнинг мухлиси эканини яширмайди, шунинг учун уни ҳазиломуз тарзда Американинг тирик стереотипи деб аташади.
Эммануэль Макрон
Эммануэль Макрон ҳам Жо Байденга ўхшаб мамлакатининг анъаналарини ва маданиятини қўллаб-қувватлайди, бу унинг ратционида ҳам кўриниб туради. Франция раҳбари миллий пишириқларни жуда яхши кўради — интернетда турли саммит ва учрашувларда унинг олдидаги ликопчада битта бўлса ҳам круассан турган кўплаб суратлар мавжуд. Шунинг учун 46 ёшли сиёсатчининг нонуштаси ширинликдан иборат эканлиги ажабланарли эмас: Макрон нонуштага начинкасиз круассан, бир ликопча тўғралган мева ва янги сиқилган апельсин шарбатини афзал кўради. Баъзан бунга қўшимча равишда сосиска ва тухум ҳам қўшилади.
Сержио Маттарелла
-k4R4rNYH.jpg)
Италия президенти Сержио Маттарелла пицца ва пастани севади, лекин соғлом турмуш тарзини сақлаш мақсадида унга жуда берилиб кетмасликка ҳаракат қилади. Нонуштада сиёсатчи ҳар доим бир хил овқатланади: ёғсиз қовурилган тост, помидор соусида пиширилган ловия ва тухум — ёки пашот ва глазуня. Айнан шунинг учун Маттарелла 82 ёшида ҳам ёш ҳамкасбларига бемалол ўрнак бўлиши мумкин — унинг учун соғлом турмуш тарзи лаҳзалик завқлардан муҳимроқ ҳисобланади.
Си Цзиньпин
Мазкур мамлакат маданияти билан таниш бўлганлар биладики, хитойликлар учун кун нонушта, тушлик ва кечки овқатга бўлинмайди: улар ҳатто эрталаб соат 7 да ҳам гўшт ва бошқа ҳазми оғир овқатларни истеъмол қилишлари мумкин. Бунга Хитой президенти Си Цзиньпиннинг нонуштаси мисол бўла олади: президентнинг эрталабки таоми — начинкасига тухум-гўшт қўшилган гуручли пирожкалар билан бошланади. Овқат танлашда президент инжиқ эмас: Си Цзиньпин баъзан оддий одамлар овқатланадиган жойларга боради. У бундай ерларга огоҳлантирмай ташриф буюради, энг оддий таомларни буюртма қилади ва хўрандалар кўз ўнгида овқатланади.
Ким Чен Ин
Шимолий Корея раҳбарининг ҳаёти доим сир бўлиб келган, лекин кун тартибининг баъзи жиҳатлари маълум. Ким Чен Ин яхши овқатланишни хуш кўради ва унинг менюси ҳар доим турли-туман. КХДР раҳбари болалигида кўп саёҳат қилганлиги сабабли унинг таъм бўйича диди хилма-хил. Масалан, нонуштада решти (швейцарча қуймоқнинг бир тури)ни севиб истеъмол қилади. Бу 15 сантиметр катталикдаги қалин “блинчик” бўлиб, қайнатилган картошка, пишлоқ, гўшт, пиёз ва кўкат қўшиб тайёрланади. Бундан ташқари, Ким қаҳвани жуда яхши кўради. У учун махсус Бразилиядан олиб келинган суперэлит донлардан шахсий ошпазлар томонидан махсус, жуда кучли қувватли ичимлик дамланади. Айтишларича, фақатгина кофе учун Шимолий Корея раҳбари йилига тахминан бир миллион долларга яқин пул сарфлайди.
Изоҳ (0)