Эътиборингизга «Коммерсантъ» нашри томонидан дунёнинг етакчи сиёсатчилари томонидан айтилган иқтибосларни тақдим қилишда давом этамиз. Бу сафар Хитой Халқ Республикаси раиси Си Цзиньпин қайд этган муҳим жиҳатлар, унинг дунёқарашини, тафаккурини, сиёсий карьерасини белгилаб берган гапларнинг таржималарини ҳавола этамиз.
Хитойни чегаралаш ҳақидаХитой халқи ташқи кучларнинг камситишга, азоблашга ва чегаралаб қўйишга уринишига чидаб турмайди. Бу ишларни қилиш ҳақида ўйлаётганлар 1,4 миллиард аҳолиси бўлган ва ҳар қандай бошни ёрадиган Хитой халқининг пешана тери ва қонидан барпо қилинган темир деворга келиб урилади.2021 йил 1 июлда Тянмендаги майдонда Хитой коммунистик партиясининг 100 йиллигига бағишланган тадбирдаги нутқдан.
Хитой социализмиБиз бутун дунё учун тўғри келадиган, ҳамма учун абсолют – бир хилдаги барглар бўлмайди деб ҳисоблаймиз… Хитойга хос социализм ривожланади ва такомиллашиб боради. У вазият ўзгаришига қараб олдинга силжишда давом этиши мумкин. Биз цивилизациянинг ҳар қандай ютуғини ўзлаштиришга тайёрмиз, лекин ҳеч қачон бошқа мамлакатларнинг ривожланиш моделидан нусха олмаймиз.
2013 йил 20 мартда журналист Михаил Гусманга берган интервьюсида айтиб ўтган гаплари.
Ҳаёти давомидаги энг олий мақсадиОнам расмларга бой китобчадан Юе Фее тарихини ўқиб берарди (Сунлар ҳукмронлиги даврида яшаган қўмондон). Ўшанда белга татуировка чиздириш жуда оғриқли бўлиши ҳақида сўрагандим! Ойим, албатта, оғриқ бўлишини, бироқ бу Юе Фее образига сингиб кетганини айтганди. «Сзин Чжун Бао Го», «мамлакатга садоқат билан хизмат қилиш»— мен ушбу сўзларни, тўрт иероглифни бир умрга ёдлаб қолдим. Ҳаётимдаги олий мақсадимга айлантирдим.Хитой марказий телевидениесида 2020 йил 12 майда намойиш этилган ҳужжатли фильмда айтган гаплари.
Ҳобби«Жуда банд бўлишимга қарамай, имкон туғилди дегунча яқинларимга вақт ажратишга ҳаракат қиламан… Ҳоббиларим кўп, айниқса, мутолаа жону дилим. Китоб ўқиш — ҳаётимнинг ажралмас қисмига айланган. Шунингдек, спорт ихлосмандиман, сузиш ва алпинизмни ёқтираман, ёшлигимда футбол ҳамда волейбол ўйнаганман».
2013 йил 20 мартда журналист Михаил Гусманга берган интервьюда айтилган гаплар.
Экология ҳақидаИнсоният табиат қонунларига риоя қилибгина атроф-муҳитни ўзлаштиришда келгусида қимматга тушадиган хатолар қилмаслиги мумкин. Биз табиатга келтирган ҳар қандай зарар якунда ўзимизга қайтади. Бундай ҳолат ҳаммамизда бўлган ва бу реал ҳаёт.2017 йил 18 октябрда Хитой коммунистик партиясининг Бутунхитой қурултойидаги чиқишидан олинган иқтибос.
АвтономияларМиллий суверенитетни, хавфсизлик ва ривожланиш йўлидаги манфаатларимизни ҳимоя қилишда давом этамиз, Гонконгда ҳамда Макао маъмурий ҳудудида барқарорликни таъминлаймиз. Шунингдек, биз Тайван мустақиллигини таъминлаш учун берилаётган зарбаларга жавоб қайтаришимиз зарур.
2021 йил 1 июлда Тянмендаги майдонда Хитой коммунистик партиясининг 100 йиллигига бағишланган тадбирдаги нутқдан.
Хитой орзуси«Хитой орзусини амалга ошириш – хиёбонда сайр қилиш эмас. Бунга эришиш, кўзланган манзилга етиш учун дўмбиралар ва қўнғироқ жарангидан кўпроқ нарса талаб этилади. Хитой халқи — буюк халқ, у оғир дамлардан ўтган, лекин таслим бўлмайди. Хитой халқи — буюк халқ; у меҳнатсевар ва мард, ҳеч қачон тараққиёт сари интилишдан тўхтамайди».2017 йил 18 октябрда Хитой коммунистик партиясининг Бутунхитой қурултойидаги нутқда айтилган гаплар.
Путин ҳақидаБиз президент Путин билан яқин ишчи муносабатларини ўрнатганмиз, шу билан бирга, қалин дўстмиз. Россия мен энг кўп борадиган давлатлардан бири, Владимир Путин эса яқин дўстим ва менга яхши ҳамкасб.
2019 йил 5 июнда Россияга ташриф вақтида айтилган гаплардан олинган иқтибос.
АҚШ ҳақидаИкки мамлакат (АҚШ ва Хитой) бир-бирини ҳурмат қилиши ва тушуниши, муносабатларни кенгайтириши ва кескинликларни бартараф этиши зарур, шунингдек, асосий икки томонлама манфаатлар масаласида ҳурматни сақлаган ҳолда ушбу ҳолатдан учинчи томоннинг фойдаланиб қолишига йўл қўймаслиги керак… Агар Хитой ва АҚШдек икки катта давлат ўзаро ҳамкорлик қилмаса, дунёда нималар бўлиши мумкинлигини тасаввур қилиш қийин.
АҚШнинг The Wall Street Journal нашрига 2015 йил 22 сентябрда берган интервьюсидан парча.
Коронавирус ҳақидаВирусга қарши бирдамликни кучайтиришимиз ва ушбу жараёндан биргаликда ўтишимиз зарур. Илм-фаннинг тавсияларига амал қилишимиз, ЖССТнинг етакчи ролдаги бошқарувига кўмак кўрсатишимиз, шу билан бирга вирусни енгиш учун унга қарши туришнинг халқаро механизмини ишга туширишимиз лозим. Пандемияни сиёсийлаштириш ёки унга қандайдир тамға уриш ҳаракатлари инкор этилиши шарт.2020 йил 22 сентябрда БМТ Бош ассамблеясига қилган видеомурожаатида айтган гаплари.
Изоҳ (0)