Франция терма жамоаси ва Мадриднинг “Атлетико” клуби ҳужумчиси Антуан Гризманн Евро—2024 ярим финали доирасидаги Франция ва Испания терма жамоалари ўртасидаги ўйинда захирада қолиш хавфи бор. Бу ҳақда Франциянинг L’Equipe нашри хабар берди.
Манбага кўра, Испания билан ярим финалда Франция терма жамоаси бош мураббийи Диде Дешам илк дақиқалардан қанот ярим ҳимоячиси Усмон Дембеле хизматларидан фойдаланишни режалаштирган, Гризманн эса ўйинни захира ўриндиғида бошлаши кутилмоқда. Қайд этилишича, Усмон билан ҳужум учлиги Килиан Мбаппе ва Рандал Коло Муани ҳаракат қилади.
Эслатиб ўтамиз, Мадриднинг “Атлетико” клуби футболчиси чорак финалда Португалия билан учрашувда (0:0, 5:3 пенальтилар) майдонга тушган эди, бироқ 67-дақиқадаёқ унинг ўрнини Усмон Дембеле эгаллади. Эслатиб ўтамиз, Гризманн терма жамоанинг Еврода ўтказган барча бешта ўйинида қатнашди, аммо ҳеч қандай самарали ҳаракат амалга оширмади.
Испания ва Франция терма жамоалари ўртасидаги ярим финал учрашуви 9 июль куни Мюнхендаги “Альянц Арена” стадионида ўтказилади. Ярим финалнинг иккинчи ўйинида Англия терма жамоаси Голландия билан ўйнайди.
Изоҳ (0)