Франциянинг Париж клуби собиқ футболчиси Килиан Мбаппега Франция Профессионал Футбол Лигаси (LFP) талабига кўра, 55 миллион евро миқдоридаги қарзини тўлашдан бош тортди.
-GjNHzpPe.webp)
Аввалроқ 25 ёшли франциялик футболчи LFP ва Европа футбол ассоциациялари иттифоқига (УЕФА) мурожаат қилиб, собиқ жамоасидан ушбу суммани ундириш талаби билан чиққани хабар қилинганди. Бу суммага имзоланган бонуснинг учдан бир қисми (36 миллион), шартноманинг охирги уч ойлик маоши ва қолган бонуслар киритилган. Пайшанба куни LFP юридик қўмитаси “ПСЖ”га Мбаппенинг 55 миллион евролик қарзини саккиз кун ичида тўлашни буюрди.
“Ушбу масала бўйича қарор қабул қилган комиссиянинг қонуний ваколатлари чекланганлигини инобатга олган ҳолда, иш бошқа юрисдикцияда кўриб чиқилиши керак”, дейилади клуб баёнотида.
Маълумот учун, Мадриднинг “Реал” клуби 3 июнь куни Мбаппе билан 5 йиллик шартнома имзолаганини эълон қилди. Ҳужумчи испан клубига эркин агент сифатида ўтди. Жорий мавсумда франциялик футболчи “Реал” сафида 5 та ўйинда майдонга тушиб, 3 та гол уришга эришди.
Изоҳ (0)