Дешам Карим Бенземанинг терма жамоага қайтишини хоҳламаган, бироқ унинг «Реал»даги ўйини сабаб чақирган

Франция бош мураббийи Дидье Дешам «Реал» ҳужумчиси Карим Бенземани терма жамоада кўришни хоҳламаган.

Журналист Ромен Молина таъкидлашича, Франция терма жамоаси мураббийи «Реал» форвардини миллий жамоага қайтишидан хурсанд бўлмаган. Дешам Бенземанинг «Реал»даги ёрқин ўйини сабаб уни терма жамоага чақиришга мажбур бўлган.

Каримнинг чақирилиши жамоа етакчилари Уго Льорис, Антуан Гризманн, Пол Погба ва Оливье Жируни норозилигига сабаб бўлган.

Бенземанинг ўзи ҳам Instagram саҳифасида Франция терма жамоасининг деярли барча футболчиларидан обунани олиб ташлади.

Marca, нашрининг хабарига кўра, француз фақатгина Эдуардо Камавинга, Орельен Тчуамени, Килиан Мбаппе, Рафаэл Варан ва Маркус Тюрамни кузатиб бормоқда. Шунингдек, Франция терма жамоасининг расмий саҳифасига ҳам обуна бўлган.

Франция футбол федерацияси (FFF) вакиллари эса терма жамоа футболчиларига Бенземанинг постларига лайк босмасликни ҳамда изоҳ ёзмасликни айтган.