Канада ҳукумати Ливандан ўз мамлакатининг 20 минг нафар фуқаросини эвакуация қилишга тайёрланмоқда.
Бу ҳақда CBC телеканали Канада мудофаа вазири Уилям Блейрга таяниб хабар берди.
Унинг сўзларига кўра, эвакуация бу одамлар тўғридан тўғри Канадага олиб кетилади, дегани эмас. Вазирнинг таъкидлашича, мақсад уларни хавфсиз жойга олиб бориш, бундай жойлардан бири Кипр бўлиши мумкин.
Блернинг CTV телеканалига айтишича, унинг департаменти эвакуацияга ёрдам бериш учун Ливан ҳудудига ҳарбий кема ҳам юборган ва қўшимча 150 нафар аскар жўнатилган.
Вазирнинг эслатишича, 2006 йилда Исроил ва Ҳизбуллоҳ ҳаракати ўртасидаги зиддият кучайганида Канада ватандошларини эвакуация қилишда сусткашликка йўл қўйгани учун танқид қилинган, шу боис бу сафар ҳарбийлар зудлик билан минтақага юборилган.
2006 йилда Канада ҳукумати Ливандан 14,3 мингдан ортиқ одамни эвакуация қилганди.
Изоҳ (0)