Исроил ҳарбийлари Ливандаги “Ҳизбуллоҳ” ташкилоти нишонларига янги ҳужумлар уюштирмоқда. Бу ҳақда Исроил армияси матбуот хизмати хабар берди.
“Исроил мудофаа кучлари айни дамда Ливандаги “Ҳизбуллоҳ” террорчиларининг марраларига зарба бермоқда. Тафсилотлар кейинроқ бўлади”, дейилади баёнотда.
Исроил мудофаа кучлари матбуот котиби Даниэль Хагарий 5 ноябрь куни Исроил кучлари Ливаннинг жанубида “Ҳизбуллоҳ” ҳаракати жойлашган бир қатор нишонларга зарбалар берганини айтиб ўтганди.
“Ҳизбуллоҳ” етакчиси Ҳасан Насруллоҳ 3 ноябрь куни Исроил ва ҲАМАС борасида баёнот бериб, араб давлатларини Исроилга нефть экспортини тўхтатишга чақирганди.
Шунингдек, у Исроил Ливанга ҳужум қилса, бутун мавжудлик тарихидаги энг катта аҳмоқликни амалга оширишини айтиб, огоҳлантирганди.
Изоҳ (0)