Ўзбекистонликлар учун Канадада 5 мингта бўш иш ўрни таклиф этилмоқда. Бу ҳақда Камбағалликни қисқартириш ва бандлик вазирлиги хабар берди.
Канада иш берувчилари билан эришилган келишувга кўра, 18 ёшдан 45 ёшгача бўлган фуқаролар қурилиш, хизмат кўрсатиш ва техник соҳаларга ишга таклиф этилмоқда.
Қурилиш соҳасида таклиф этилаётган касблар:
- дурадгор;
- пайвандчи;
- электрик;
- сантехник;
- бетончи;
- ойначи;
- том ёпувчи;
- пол қопламаларини ётқизиш бўйича ёрдамчи;
- ўрмон хўжалиги ва бошқалар.
Талабгорлар инглиз, француз ёки испан тилларидан бирини билиши лозим. Шунингдек, қурилиш касб-таълими мутахассислиги бўйича гувоҳнома, сертификат, диплом ва хорижга чиқиш паспорти нусхаси талаб этилади.
Иш ҳақи соатига 12,5 доллардан 30 долларгача.
Талабларга мос келмайдиган фуқароларнинг номзоди кўриб чиқилмайди. Ҳар бир номзод маълумотлари иш берувчи ташкилот вакиллари томонидан кўриб чиқилади ва хорижий тилда суҳбатдан ўтказилади.
Талабгорлар қуйидаги ҳавола орқали рўйхатдан ўтиши мумкин.
Эслатиб ўтамиз, 2022 йилда собиқ ташқи ишлар вазири Владимир Норов Канаданинг мамлакатдаги фавқулодда ва мухтор элчиси (қароргоҳи Москва шаҳрида) Элисон Мери Леклер билан Тошкент шаҳрида Канада виза марказини очиш масаласини ўрганишга келишиб олганди. Ўша йилнинг ўзида Ўзбекистондан Канадага мавсумий ишчиларни юбориш йўлга қўйилиши мумкинлиги тўғрисида хабарлар тарқалган эди.
2024 йилнинг февралида ўзбекистонлик фуқароларни Канада меҳнат бозорига жалб қилиш механизмларини ишлаб чиқиш бўйича музокаралар олиб борилди.
Изоҳ (3)
Canadaga ishda bormoqchiman
Ishlamoqchiman kanada shaxrida
Ишга бормочиман