Исроилнинг жанубий Ливандаги ҳаво ҳужумлари оқибатида “Ҳизбуллоҳ”нинг юқори мартабали қўмондони Виссам ал-Тавил ҳалок бўлди. Бу ҳақда Reuters хабар берди.
Маълумотларига кўра, у “Радван” махсус кучларининг юқори қўмондони бўлган. “Радван” “Ҳизбуллоҳ” қуролли кучларининг энг элита ва жанговар бўлинмаси ҳисобланади. Уларнинг сони 5000 га яқин. У “Ҳизбуллоҳ”нинг Ливан чегарасидаги операциялари учун масъул бўлиб келган. Исроилнинг маҳаллий Telegram каналлари марҳум “Ҳизбуллоҳ” етакчиси Насруллоҳнинг куёви бўлганини ёзмоқда.
Reuters билан суҳбатлашган хавфсизлик ходимининг айтишича, “бу жуда оғриқли зарба, ҳозир (шимолда) вазият қизимоқда.” Исроил шимолидаги хавфсизлик кучлари ва мудофаа тизимлари максимал жанговар шай ҳолатга келтирилган.
Изоҳ (0)