“Ҳизбуллоҳ” Исроилга дронлар билан ҳужум қилди

Ливаннинг “Ҳизбуллоҳ” гуруҳи чегара бўйлаб Исроилнинг 19 та позициясига ҳужум қилди. Бу ҳақда Reuters хабар берди.

Маълум қилинишича, позициялар ҳарбий объектларни ўз ичига олади, уларга дронлар билан зарба берилган. Ижтимоий тармоқларда ҳужум натижасида ёнғин келиб чиққани акс этган кадрлар тарқалган.

Исроил армияси Х ижтимоий медиа платформасидаги постида Исроилга бир қатор ракета ҳужумларидан сўнг Ливандаги “Ҳизбуллоҳ”нинг бир қатор нишонларига зарба берганини таъкидлаган.

Ливан миллий ахборот агентлигига кўра, Исроил снарядлари жанубий чегарадаги турли ҳудудларга тушган. “Ҳизбуллоҳ” ўз баёнотида Ливан-Исроил чегарасидаги баҳсли Shebaа фермалари ҳудудида Исроил армияси қўмондонлик пунктига ҳужум қилиш учун портловчи моддалар ўрнатилган иккита дрондан фойдаланганини айтган.

Ҳизбуллоҳнинг айтишича, “катта миқдорда портловчи моддалар” юкланган дронлар Shebaа фермаси ҳудудидаги Исроил баталон қароргоҳига ҳужум қилган ва уларнинг нишонларини урган.