Владимир Зеленский ўзининг Telegram-каналида жойлаган видеомурожаатида, агар керак бўлса, Украина Канадага ўрмон ёнғинларини ўчиришда ёрдам беришга тайёрлигини айтди.

10 июнь шанба куни Канада Бош вазири Жастин Трюдо Киевга ташриф буюрди ва у ерда Зеленский билан учрашди.

“Катта миқёсдаги ўрмон ёнғинлари, улкан табиий йўқотишлар, одамларга таҳдид... Агар Канадага шундай халқаро ёрдам керак бўлса, Украина ёнғинларни ўчиришда ёрдам беришга тайёр”, — деди Украина президенти.

Сўнгги бир неча ҳафтадан бери Канада бўйлаб ўрмон ёнғинлари давом этмоқда. Улар бир вақтнинг ўзида мамлакатнинг бир нечта ҳудудларини қамраб олган, сешанба кунигача 400 дан ортиқ ёнғин қайд этилган, уларнинг 200 дан ортиғи ҳали назоратга олинмаган. Канада қуролли кучлари ёнғинни ўчиришда иштирок этмоқда, сешанба куни ҳукумат ўрмон ёнғинлари қурбонларига ёрдам бериш учун маблағ йиғилишини эълон қилди.