Исроилнинг Россиядаги элчиси Александр Бен Сви Исроил ва ҲАМАС кучлари ўртасида кучайиб бораётган можарода “Ҳизбуллоҳ” гуруҳининг кенг кўламли иштирок этиш хавфи борлигини маълум қилди.
“Бўлиши мумкин. Шундай хавф бор”, — деди элчи журналистларнинг бу борадаги саволига жавоб берар экан.
“Умид қиламанки, ‘Ҳизбуллоҳ’ ҳам, ҳудудида ‘Ҳизбуллоҳ’ жойлашган Ливан ҳукумати ҳам урушга аралашишнинг оқибатлари ҳақида яхши билишади. Чунки жавоб зарбаси кескин бўлади. Бу Ливандаги бутун ҳаёт тарзини издан чиқариб юборадиган зарба бўлади”, — дея тушунтирди элчи.
“Ҳа, хавф бор. Лекин умид қиламанки, бу хавф ҳар икки томонга жиддий зарар келтиришини ҳамма тушунади”, — дея қўшимча қилди Александр Бен Сви.
Аввалроқ у Ғазо секторида ерусти ҳарбий операция ўтказиш тўғрисидаги қарор ҳали қабул қилинмагани, Исроил ҳукумат тегишли масалани муҳокама қилишда давом этаётганини хабар қилганди.
“Шу кунларда қарор қабул қилинади. Лекин биз уруш ҳолатидамиз, буни бош вазир жуда аниқ айтди. Бундай операция бўйича қарор қисқа фурсатда қабул қилинмайди. Буни ҳал қилиш керак, бу жиддий масала. Ҳозирча ҳукумат томонидан бу масалада суҳбатлар олиб борилмоқда”, — дея фикр билдирганди Исроилнинг Россиядаги элчиси.
Изоҳ (0)