Yevropa Komissiyasi 13-apreldan boshlab Yevropa ittifoqi AQSH tovarlariga 28 milliard dollarlik bojlar joriy etishini ma’lum qildi. Yevropa ittifoqi raisi Ursula fon der Lyayyen bu bilan o‘z iste’molchilari va tadbirkorlarini himoya qilish uchun harakat qilayotganini ta’kidladi. Bu haqda Reuters xabar berdi.
AQSH prezidenti Donald Trampning barcha po‘lat va alyuminiyga 25 foizli keng qamrovli bojlari global savdo urushini avj oldirdi. Shunga qaramay, Yevropa ittifoqi rahbari muzokaralar uchun ochiq qolishini va yuqori tariflarni hech kimning manfaatiga mos kelmasligini aytdi.
“Bugun biz qo‘llayotgan qarshi choralar kuchli, ammo mutanosibdir. AQSH 28 milliard dollarlik bojlar joriy etayotgan ekan, biz ham bunga xuddi shu miqdordagi qarshi choralar bilan javob bermoqdamiz”, dedi Ursula fon der Lyayyen.
Yangi choralar 18 milliard yevro atrofidagi tovarlarga qaratilgan. Joriy qilingan bojlar qayiqlardan tortib burbon viskisi va mototsikllargacha bo‘lgan mahsulotlarga taalluqli bo‘lib, Yevropa Ittifoqi boshqa mahsulot toifalarini tanlash uchun ikki haftalik maslahatlar jarayonini boshlashini ma’lum qildi.
“Yevropa ittifoqi choralarining umumiy qiymati AQSHning yangi tariflari ta’siridagi savdo qiymatining oshishiga mos kelishini ta’minlashdir”, dedi Yevropa ittifoqi.
Fon der Lyayyen muzokaralarga doim ochiqligini ta’kidladi:
Tramp sanksiyalari
Tramp 2025-yilning mart oyidan boshlab Xitoydan olib kelinadigan mahsulotlarga 10 foizdan dan 20 foiz gacha bo‘lgan bojlarni joriy etdi.
Shuningdek, Tramp 4-martdan boshlab Meksika va Kanada tovarlariga ham 25 foizlik bojlarni joriy qildi. Lekin keyin 2020-yilgi “Amerika Qo‘shma Shtatlari-Meksika-Kanada” savdo kelishuvi sabab qarorning ijro etilishi 2-aprelgacha cho‘zdirildi.
Bundan tashqari prezident barcha mamlakatlardan import qilinadigan alumni va po‘latga ham 25 foizlik bojlar belgiladi. Qaror qaysi sanadan kuchga kirishi haqida izoh berilmagan.
Izoh (0)