Octobank — O‘zbekistonda rasmiy hisoblangan ilk brend. 2024 yil yakunlariga ko‘ra, Octobank brendi $30 mln (2025 yil 17 martdagi Markaziy bank kursi bo‘yicha 388 mlrd so‘m) etib baholandi.
Hisob-kitob Marketing assotsiatsiyasi va Raqobatni rivojlantirish hamda iste’molchilar huquqlarini himoya qilish qo‘mitasi tomonidan tashkil etilgan Brand Awards International mukofoti doirasida amalga oshirildi.
Hisob-kitob uchun “Royaltilardan ozod qilish” usuli qo‘llanildi. U daromad prognozini, o‘rtacha bozor royalti stavkasini va shaxsiy tavakkalchiliklarga moslashtirilgan chegirma stavkasini hisobga oladi.
“Octobank — O‘zbekistonda o‘z qiymatini baholagan birinchi brend. Bu bozor uchun muhim voqea. Bank jadal o‘sishni, innovatsion yondashuv va yuqori xizmat sifatini namoyon etdi, bu uning brendida ham aks etmoqda”, — dedi Marketing assotsiatsiyasi boshqaruvi raisi Diyor Mirzaahmedov.
“Brend qiymati mijozlar bizga va mahsulotlarimizga qay darajada ishonishini tushunishga yordam beradi. Natija xush kayfiyat bag‘ishlaydi, lekin bu faqat boshlanishi. Octobank rivojlanishda davom etadi, eng yaxshi moliyaviy yechimlarni taklif etadi va bozordagi pozitsiyasini mustahkamlaydi”, — dedi Octobank Marketing boshqarmasi boshlig‘i Muhammad Alinazarov.
Brend qiymatini baholash quyidagilarga yordam beradi:
• Investorlarni jalb qilish.
• Marketing faoliyati samaradorligini baholash.
• Raqobatchilar orasida ajralib turish.
Brend baholash va Brand Awards International mukofoti haqida batafsil ma’lumot marketing.uz saytida.
Raqobatni rivojlantirish va iste’molchilar huquqlarini himoya qilish qo‘mitasi — antimonopol qonunchilik nazorati, iste’molchilar huquqlarini himoya qilish va raqobatni tartibga solish uchun javobgar davlat organi.
O‘zbekistonning Marketing assotsiatsiyasi — marketing industriyasini rivojlantirish bilan shug‘ullanuvchi tashkilot.
Octobank — texnologik bank bo‘lib, 20 yildan ortiq vaqt mobaynida mijozlarga qulay va sifatli servis taqdim etib kelmoqda. Bankning mijozlar bazasi 3 milliondan ortiq jismoniy shaxslar va 2500 dan ortiq korporativ mijozlarni o‘z ichiga oladi.
Reklama huquqi asosida
Izoh (0)